玫瑰花太陽花椰汁年糕
材料:
1.蔗糖 450g (若無, 用片糖取代都可以)
2.糯米粉 600g
3.椰漿 500g (快達牌椰漿)
4.水 360g
5.食油 2 湯匙
做法:
1. 先用水300g將蔗糖煮溶待涼備用
2. 將糯米粉倒入一個深既盤內, 將已溶的蔗糖水倒入粉中. 用木棒拌成一粉團, 加入椰漿500g(分3次加入)然後用手1搓, 再加入油再搓.
3. 再加入水60g拌成粉團
4. 用油搽晒成個蒸盤, 將粉團倒入蒸盤至8分滿
5. 放入高速煲, 高速10分鐘(以雙白圈計), 排氣後便可.
6. 待涼後放入雪櫃, 食時以細火煎番軟身便可或將年糕浸入蛋液後才剪亦可.
Tips:
1. 買到呢隻增城蔗糖會令呢個年糕生色不少, 因為真係香好多的.
2.呢度咁多野總共係半底糕既份量.
*************************************************
食左啦, 好清甜呀, 個甜度剛剛好, 只係少甜, 仲好香添.
D細模因為花紋多,難起出黎.
今年好想整年糕, 因為舊年無整無得食, 所以而家諗起都想食. 但係我又買左一底布袋澳六嬸年糕, 之後另外又有人送左一底杏花樓椰汁年糕(仲有一底蘿蔔糕添)俾我, 所以…… 我今年又唔駛整啦, 因為根本都食唔晒.
***************************************************
最後都忍唔住手終於都整左, 呢度整左以下既一半份量.細既玫瑰花係用黎拜神用的,夠神心啦啩!!
年糕
材料:
1.蔗糖 450g (若無用,片糖取代都可以)
2.糯米粉 600g
3.水 860g
4.食油 2 湯匙
做法:
1. 先用水400g 將蔗糖煮溶備用
2. 將糯米粉倒入一個深既盤內, 將已溶的蔗糖水倒入粉中. 用木棒拌成一粉團, 然後用手1搓, 再加入油再搓.
3. 此時加入460g 拌成粉團
4. 用油搽晒成個蒸盤, 將粉團倒入蒸盤至8分滿
5. 放入高速煲, 高速9分鐘(以雙白圈計), 排氣後便可.
6. 待涼後放入雪櫃, 食時以細火煎番軟身便可或將年糕浸入蛋液後才剪亦可.
Tips:
1. 買到呢隻增城蔗糖會令呢個年糕生色不少, 因為真係香好多的.
2. 呢個年糕正常存放既話可以放一至兩個星期, 視乎天氣啦.
<香港>
Madrid Baking馬德里烘焙教室(網頁update中,不知地址有冇改)
地址：灣仔軒尼詩道226號寶華商業中心7樓
電話：2834 2768
營業時間：12:00nn-9:00pm（一至六）
星期日休息／公假時乎情況
網址：http://www.madridbaking.com/
芝整烘焙專賣店
地址：
電話：2815 8418
營業時間：11:30am-7:30pm（一至五）
11:30-4:00pm（六）
星期日及公假休息
網址：http://www.ucanmake.com/
ICHI-CAKE一級甜品烘焙材料銷售中心—(銅鑼灣店)
地址：銅鑼灣渣甸坊28號京華中心2座9樓C室(銅鑼灣地鐵站F出口)
電話：2388 4998
營業時間︰12:00pm-9:00pm（一至六）
12:00pm-6:00pm（星期日）
網址：http://www.ichi-cake.com/
二德惠（香港店）
地址：灣仔洛克道114-120號嘉洛商業大廈9字樓（灣仔地鐵站C出口轉左）
電話：8111 3090
營業時間：12:00nn-8:00pm（一至五）
12:00nn-6:00pm（星期六）
星期日及公眾假期休息
網址：http://www.twinsco.com/
JAM Bakery
地址：香港大坑浣紗街20-22號西施樓閣樓B室
電話：2805-6696
營業時間：1:00pm-7:00pm（一至五）
12:00nn-8:00pm（六）
逢星期日休息(預約包堂除外)
網址: http://jambakery.com/
Loving it Workshop（只教學）
地址：銅鑼灣謝斐道408-412號華斐商業大廈2103（地鐵站c出口）
電話：2121 8150
營業時間︰去前請打電話查詢
網址：http://www.lovingitworkshop.com/
By Joanne Stylish Baking
地址：銅鑼灣軒尼詩道427-429號張寶慶大廈五樓（灣仔消防局側）
電話：2833 2066
營業時間︰11:00am-6:30pm（二至五）
11:00am-4:00pm（六及日）
星期一及公眾假期休息
網址：http://www.byjoanne.com.hk/
Petit Fours (呢間個網址開唔到, 唔知係咪執左呢!!)
地址：銅鑼灣3-5 號勿地臣街宏通中心14 樓全層( 時代廣場對面元綠壽司樓上)
電話：2832 7088
營業時間︰11:30am-8:0pm（一至六）
1:00pm-7:00pm（日,公假）
網址：http://www.petitfours.com.hk/
心甜烘焙材料專門店
地址：銅鑼灣怡和街22號18樓1802室
電話：2882 7188
營業時間︰11:00am-9:00pm （一至六）
12:00nn-6:00pm（星期日）
網址：http://www.sweetiebaking.com/
電郵 : sweetiebaking@yahoo.com.hk
1 week learning studio (呢間既網址開唔到唔知係咪執左??)
地址：銅鑼灣怡和街56-58號新基商業中心6樓（近麥當勞大廈，商務書局對面）
電話：2577 1098
營業時間:11:00am-10:00pm（一至日）
網址：http://www.1week.com.hk/
Coup KITCHEN
地址：天后電器道108號冠貿商業大廈8樓 (天后地鐵站A2出口)
電話：2508 0666
營業時間：1:00pm-8:00pm（一至五）
11:00am-6:00pm（六）
網址：http://www.coup.com.hk/
U can cake ice cream gallery
地址：則魚涌華蘭路20號華蘭中心7樓701室
電話：2572 0109
營業時間︰去前請打電話查詢
網址：http://www.icecreamgallery.com.hk/
芝整烘焙專賣店
地址：柴灣道333號永利中心B39地庫
電話：6593 8988
營業時間︰12:00nn-7:30pm（二至日）
1:00pm-6:00pm(公假)
星期一休息(公假除外)
網址：http://www.ucanmake.com/
Cake Season
上環德輔道中243﹣247號德祐大廈9樓903室。
電話：9601-4591
www.cakeseason.com
二德惠荃灣都有分店, 在南豐8樓
南豐中心9樓938室仲有一間風味烘焙
《九龍》
私房蛋糕(只供教學)
地址：佐敦彌敦道198號寶安商業大廈8樓B室（地鐵D出口，金至尊樓上）
電話：2735 0337
營業時間：不詳
網址：http://www.cestboncake.com/news.php
ICHI-CAKE一級甜品烘焙材料銷售中心—(旺角店)
地址：旺角亞皆老街88-95號利豐大廈4樓D室 (旺角火車站對面)
電話：2388 4998
營業時間︰12:00pm-9:00pm（一至六）
12:00pm-6:00pm（星期日）
網址：http://www.ichi-cake.com/
二德惠（油麻地店）
地址：油麻地上海街395-397號安業商業大廈8字樓（油麻地地鐵站A1出口，前行至上海街轉右）
電話：8111 3080
營業時間︰12:00nn-8:00pm（二至六）
12:00nn-6:00pm（日,公假）
星期一休息
網址：http://www.twinsco.com/
Cakes Library
地址：信和中心6樓603室
電話：3188 5234
營業時間：12:00nn-8:00pm
網址：http://www.cakeslibrary.com/
Best Kitchen包餅教室(只供教學)
地址：尖沙咀彌敦道83-97號華源大廈3樓C2室（鴻星酒家直入四號電梯）
電話：2368 9389
營業時間︰11:00am-9:00pm
網址：http://www.best-kitchen.net/
CakeDeli(只供教學)
地址：旺角彌敦道625號雅蘭第二期10樓1001-02
電話：2626 1090
營業時間：12:30nn-9:30pm(二至五)
10:00am-7:00pm(六,日及公假)
星期一休息
網址：http://www.cakedeli.com.hk/
I Love Cake
地址：九龍上海街338號地下（油麻地地鐵站B2出口）
電話：2671 2671
營業時間︰10:00am-8:00pm（一至五六）
10:30am-7:00pm（日/假日）
網址：http://www.ilovecake.hk/site/page1.aspx
The Chef(只供教學)
地址：九龍彌敦道498-500號泰盛商業大廈2001室（油麻地地鐵站C出口對面）
電話：2332 2038
營業時間：10:00am-8:00pm（一至六）
網址：http://shop.thechef.com.hk/
人氣食譜
地址：佐敦上海街12-14號，興利商業大廈4樓A室。（佐敦MTR'D'出口，沿柯士甸道行至上海街，即香港童軍中心對面）
電話：2375 3312
營業時間：7:30pm-9:00pm（一至五）
3:00pm-5:00pm（星期六）
星期二休息
網址：http://www.chefsrecipe.net/
Double Cake(只供教學)
地址：旺角登打士街43H登打士廣場12樓01室
電話：2780 0337
營業時間：12:30nn-8:00pm
網址：http://www.doublecake.com.hk/
Cake 1 Cake Company(只供教學)
地址：旺角西洋菜街1A-1K百寶利業中心9樓8-11室
電話：2311 3411
營業時間︰11:00am-8:00pm（一至六）
1:00pm-6:00pm（日及公假）
網址：http://www.cake1cake.com.hk/
Home Made（只教學）
地址：旺角洗衣街111-121建煌華廈12字樓121室電梯請按12字（旺角水務署對面）
電話：9731 6232
營業時間︰去前請打電話查詢
網址：http://www.homemade-hk.com/
阿e烘焙DIY材料專門店(CLOSED)
地址：旺角豉油街24-26號福泰大廈5樓B室
電話：2264 8380
營業時間︰11:30am-8:30pm（二至六）
12:00pm-6:30pm（日）
星期一及公眾假期休息
網址：http://www.ecake.com.hk/
電郵 : ecake@ymail.com
焗小小烘焙材料專門店(CLOSED)
地址：九龍油麻地砵蘭街61-63號偉來商業大廈12樓A室
電話：2771 1816
營業時間︰12:00am-8:00pm（一至六）
1:00pm-7:00pm（日/公假）
星期二休息
網址：http://www.littlebake.com.hk/
電郵 : info@littlebake.com.hk
黑森林蛋糕甜品專門店
地址：紅磡黃埔花園12期場B1地庫95A店（黃埔百佳超級市場）
電話：2187 2866
營業時間︰11:00am-9:00pm（二,六,日）
星期一休息
網址：http://www.neroforest.com/
馬蹄糕
材料:
1.馬蹄粉 250g (細盒)
2.馬蹄 約12 – 13粒
3.砂糖 450g
4.水 1650g (一份係1350g, 一份係300g)
做法:
1. 先將馬蹄去皮洗淨, 用刀拍扁(有少少爛)或用攪拌機打爛都可以但係要小心打得過細粒, 再切粒.
2. 將水(1350g)煲滾後加入砂糖及馬蹄煮至糖溶晒備用.
3. 將馬蹄粉放入一大碗中, 加入水(300g)攪勻成馬蹄漿. 將粉漿中的雜質篩走, 然後將馬蹄粉漿以慢慢倒入糖水中, 以慢火搞至粉漿熟透.
4. 將糕盤搽油後, 將粉漿倒入糕盤8分滿, 以高速煲高速8分半鐘便可.
5. 馬蹄糕可熱食可凍食(待涼放入雪櫃便可).
Tips:
1. 馬蹄粉一定要買廣州泮塘特產純正馬蹄粉 (個盒有黃色藍色的), 筲箕灣東大街仁和全年有得賣.
2. 馬蹄糕好容易燶的, 所以要慢火同好小心睇住.
尋日又係同個細既溫書, 我係完全無心機同佢溫的, 我請假係度唯一幫到佢既就係看住佢, 要佢做野, 唔好咁心散only. 因為佢真係超心散, 超唔小心, 所以我都無心機教佢, 覺得side我d時間及精神.
大兵因為要學野, 所以晏番,原本諗住整呢個馬拉糕做tea的, 後來都改左做消夜.
你會好奇怪點解我叫佢做海馬蛋糕而唔係馬拉糕, 原因係呢個做法唔係正宗既馬拉糕做法, 而我食左3次之後, 我覺得個質感同馬拉糕唔同的, 由於佢既做法同海錦蛋糕好似, 所以就叫佢做海馬蛋糕啦, 咁樣大家對呢個蛋糕整出黎既期望會唔同左而會較易收貨(咁因為真係無可能用呢個方法整到正宗馬拉糕出黎, 你預期係個樣野整出黎唔係, 就會好失望的. 不如一早講明個效果會唔係咁樣的, 但係似, 咁你既期望會唔同左, 亦無咁失望, 同埋, 其實都好食的, 無胃無啦啦搞到自己無晒自信心啦)
呢個食譜我係改過的, 因為跟足佢整既時候, 2隻野話好大陣奶味(但係我又唔覺), 所以我改左佢少d奶, 加番d水. 我又覺得甜左少少, 所以我又改少d糖. 做法亦都唔同左的. 總之改到我自己覺得係我想要既野啦.不過我整得唔夠好, 個面就幾鬆軟的,係個底就仲係實左D, 要再努力呀!
海馬蛋糕食譜 = 簡易版馬拉糕
(呢個係改良左既少甜少油少奶版黎的)
材料:
1.自發粉 80g (篩粉備用)
2.吉士粉 20g (篩粉備用)
3.蛋 2隻
4.黃糖 80g (我用庶糖)
5.無鹽牛油 20g (用熱水坐溶佢或微波爐整溶佢)
6.奶 30g
7.水 30g
做法:
1.將蛋加入糖(分3次加入), 以中速或中高速打至蛋漿企身(杰).
2.打蛋漿的同時,可以準備高速煲, 放約1吋高的水及蒸架, 開中細火come蓋煲水.
3.另用已溶的牛油, 用油掃將蒸糕用的器皿(蒸盤)掃油後備用.
4.加入已篩的自發粉及吉士粉攪至無粉粒(不能大攪, 盡量攪得輕手d).
5.將高速煲的火加番大令水煲至大滾.
6.加入牛奶, 水及己溶牛油後再輕手攪勻.
7.將粉漿倒入糕盤, 放入高速煲, come蓋, 2個白圈起計(因我的高速煲是fissler), 高速7分鐘. 排氣後便可食得.
Tips:
1.整完d粉漿要即刻蒸, 不能放耐, 否則效果會實好多的.
整個過程, 由準備好晒所有材料計約需時35分鐘, 快靚正!!
***************************************************
冬天熱辣辣食呢個糕好正, 做早餐做tea做消夜一流, 好過落街買, 又有益.
大兵同小冰都鐘意食, 話好味. 係大兵仲係度投訴d奶味太重, 但我唔理佢了, 有奶係度會滑身d的, 所以唔再減啦.
前晚睇電視, 睇睇下亞嗲話呢度咁熟既,咁我無理佢啦.跟住做完之後:
亞嗲: 你知唔知頭先個度係邊到呀?
我: 點知呀?
亞嗲: 係人地屋企黎的, 我以前成 日去的. 我成日夜晚都係度等人的.
我:………… 你個ex 呀嘛.
嗲: 你又知.
我: 你有幾多個ex係有錢架, 低能的.
之後無野啦.
尋日我番工時突然諗起………… 到食飯前我扮嬲質問亞嗲.
我: 點解你以前成日去個度呀? 梗係接人啦.
嗲: 唔係喎, 送人番去之嘛.
我: 送人, 成日去, 又唔見你以前成日送我番屋企.
嗲: 咁佢個度靜d嘛.
我: 佢個度就靜, 咁我屋企唔靜呀?
嗲: 都2x年前既事啦(因為係佢既初戀情人黎的所以咁耐之前)
我:2x年前咁又點呀, 係事實就係事實, 唔會因為係幾多年前而改變的.
嗲:你唔係咁都嬲呀?
我: 係又點呀? 唔俾呀?
過左一陣, 食緊飯時我話:
我: 咁而家點收科呀?
嗲: 收咩科呀?
我: 你話呢?
嗲: 哦……我知你講咩啦. 你唔係仲嬲緊呀?
我: 係又點呀? (其實我都無咩嬲的)
嗲: 咁你想點呀?
我: 呢舖要見紅先收到科喎.
嗲: 咁你想點樣見紅呀? 俾你打一身呀?
我: 一舊.
嗲: 一舊, 咁都一舊. 尋日己經俾你無啦啦呃左20蚊啦.
我: 咁點, 俾唔俾?
嗲: 一舊咁貴, 20蚊啦?
我:唔得, 唔見紅唔收科.
嗲: 咁貴?
我: 咁點呀, 係咪唔值呀?
嗲: 唔係, 值,值. 好抵tim.
我: 抵你死. (大笑)
今次真係完完全全無諗過整野食的, 因為今日特登請半日假番黎同個細既溫書. 只係食完lunch無耐(都成3點幾了), 突然覺得好似有少少肚餓, 又突然醒起馬拉糕喎, 咁就即刻叫工人準備晒所有材料俾我啦(俾晒份量佢, 叫佢西好晒粉我就慳番好多功夫啦).
經過上次既失敗, 我嘗試左呢個辦法, 結果出黎係進步左一半的. 原因係……… 我怕打過龍, 所以又唔敢打得太耐. 而家出黎個效果就可能係唔夠耐既關係, 所以只係鬆左部份, 但係未做到人地咁樣鬆晒既馬拉糕. 所以我會再努力研究的.
前晚, 我問亞嗲2月邊幾日放假啦, 講完之後,亞嗲先知道我係睇下佢anniversary 個日有無得放假. 跟住我話佢好唔記得左anniversary啦(其實佢大多數都記得的, 尤其是係到將近既時候, 佢未試過唔記得的), 跟住佢話佢放假係anniversary既第2日仲好啦. 我話:有咩咁好呀? 嗲:梗係好啦, 我地2個可以去玩通宵嘛.我: (hahaha, 係度大笑) 你都白痴既, 邊個話同你玩通宵呀. 嗲:我地去長隆啦(當時電視做緊長隆既節目). 我:唔去, 要去都同埋2隻野去啦. (俾我reject完, 之後就無再講啦)
到今日放工, 亞嗲打俾我話:
嗲: 我諗左好耐, 諗到正野呀?
我: 你講咩呀?
嗲: 我諗到我地係anniversary 去邊呀. 就係去沙灘, 好似以前拍拖時咁樣去行沙灘, 可以玩通宵囖.
(我聽完係勁笑, 笑到死咁滯. 因為我地根本拍拖時都好少去沙灘的, 佢咁樣根本就係作野, 跨大, 不過呢個係佢既強項. 跟住又話係沙灘玩通宵, 咁死凍, 你去啦. 佢既講法, 跟本就係照d電影入面既對白黎講的.)
我: 你玩野呀, 得10度8度你叫我同你去沙灘, 去食風呀? 你自己去啦.你都short既.
嗲: 有無搞錯呀, 我諗左好耐架啦, 咁好既idea你都話唔好.
我:咁既野都要諗咁耐呀? 真係多謝晒喎.
係屋企就黎悶到發顛, 所以叫工人買左蘿蔔番黎又整蘿蔔糕, 想再SURE D上次既份量是否OK.
*************************************************************************
用左佢黎做消夜食(1月16號晚 9點幾食消夜), 大兵死都話好肚餓係都要煎半底(因為我怕食唔晒). 唔知係咪今次雪得幾個鐘太少, 所以個實既程度係淨D的. 而個味................我嚴佢唔夠味, 下次再搞搞佢先.
************************************************************************
1月17號晚再用佢黎做宵夜(都係9點幾食), 同一底糕, 但係個味道同個實既程度真係好唔同. 今次係剛剛好啦, 之前一晚未雪過夜食就係欠左少少既實度, 而雪左過夜之後呢就剛剛好. 個味道16號晚食既係唔夠味架, 個單係單調的. 但係雪左過夜之後食個味ok夠啦, 唔再係咁單調啦, 我諗係因為d蘿蔔之前唔夠時間去煮d味入去.
今次呢個食譜可以大量起貨啦, yeah!!
由於由12月已經叫大兵溫書,到而家都1月1x號啦, 我因為溫書足足困左成個月, 我真係就黎顛. 我真係無心機同小冰溫書, 所以就叫大兵同小冰溫.
我同大兵講, 佢第時大d都要去幫人補習賺錢幫補屋企, 所以而家佢實習下點樣同人補習啦. 我叫佢幫小冰溫數學, 我叫佢出題目俾小冰做, 佢錯左就教番佢. 佢個死野, 粗聲粗氣咁教小冰. 我話, 你第時去同人補習, 你咁樣教人D仔女, 你一堂之後就實俾人叮走啦. 佢話: 我唔同佢幫添呀.(死得佢呀, 以為佢好多客咁喎)
於是我就坐係度, 一路睇大兵教小冰, 一路係度TUNE大兵同人補習既SKILL同埋態度. 一黎我唔駛同小冰溫書, 因為我真係無心機同佢溫, 佢係一個超唔小心既人, 溫黎都係SIDE我時間同心機. 所以就將個波交俾大兵啦!
原本係想再買番上次隻菠菜汁韮菜水餃的, 但係搵左3間百佳都無得賣. 所以唯有試下同牌子既呢個白菜鮮肉啦.
佢比中環碼頭既餃子好食好多, 最起碼個皮無佢咁死厚先. 呢個牌子暫時D水餃都係幾好味的, 所以下次再試埋佢另一種味先.
呢個係我下一個目標, 上次去深水埗添好運時, 走既時候經過呢間舖頭, 我唔知佢原來都好出名的, 我只係見到咁鬼多人食, 所以望多幾眼, 睇睇下見到佢d牆貼左“蔡生”既推介係度, 當堂仿然大悟. 原來都無咩的, 但係當我再行前多幾歲, 見到佢d海鮮我就覺得好正, 好有feel, 我好鐘意d食材咁樣放出黎俾你去揀的. 即時諗番去過星加坡那些大排檔,真係好有風味的.
所以明明行過左都要行番轉頭影番張相, 目的就係要記低佢, 下次去開深水埗時去試下.
今日出呢個post之前都上網search下睇下人地點comment呢間野, 我見真係大大大部份人(係人地自己既blog唔係開rice那個blog)都話d野好食的. 所以而家一路打字一路都流緊口水………
呢個電磁爐都買左成3個禮拜啦, 因為買黎係做spare既關係, 所以放左係度無用. 只係因為我試機時睇到佢可以細火到500W(度定W唔記得了), 所以咪試下攞佢出黎配合個LC煲用, 睇下可唔可以做到慳電既功能囖, 結果係得既.
我用開既美的電磁爐最細就係800W 跟住再去就120W(呢個根本只能做保溫, 煮唔到野的). 我見個LC用800W時都幾大滾下,所以用LOYOLA呢個試下以500度黎炆野啦, 得喎, 見佢都幾滾下, 所以又試下300W啦, 都一樣得. 正! 用呢個爐比起美的黎炆野, 咁就慳左成500W啦.
至於煲湯, 原來都係用開800W的(因為真係最細了), 而家用500W都得,所以以後我用LC煲我都會用呢個爐黎用啦, 真係慳番好多電(因為用親LC煲整既野都係要整2個鐘頭以上的). 除左慳電之外, 亦可以做到環保, 呢樣真係好好. 用少D電, 就可以環保多DD. 盡少少錦力啦!
*呢個爐我係實惠買的, $399...........好似話係豐澤都有,BUT唔SURE呀.
上星期我同事走埋黎俾左呢粒合桃我, 當時我講緊電話, 我一收線就即刻問佢:係咪假架? 佢話係呀. 點解我會話佢係假, 因為我同事以前長註廣州的, 佢之前都話曾經試過係廣州買到d假既合桃, 佢話真係好似的. 佢買之前個小販仲開左一個黎俾佢睇tim. 所以佢咪買左一斤番去食啦, 番到屋企一開, 假既. 再開埋袋入面其他既都係一樣係假既.
點解佢會俾一粒我, 事緣係佢上次已經話,最衰個時掉晒, 因為留番d黎記念下, 因為整得真係好似的. 我話, 吓………整假既合桃都要成本啦, 又要整到似, 個重量都要有喎, 都真係幾難喎, 咁都好呃?!!
今次有機會開眼界, 當然睇真d佢同真既分別啦. 摸上去係無咁 “鞋”的,佢係比真合桃重身d的. 當你知道佢係假時, 你望真d個殼,你就會睇到佢係同真既殼係有分別的.
我另一個同事攞左一粒番屋企之後, 叫個仔開黎睇, 點知……………呢個 “kim” 都整爛埋, 你想像下佢有幾硬呢!!
我唔捨得開呀, 因為一開左就會掉啦, 想放係度留念!
前日先同亞嗲講緊, 今年應該都唔會整糕啦, 因為唔夠時間. 點知, 尋日係街市聽到人買蘿蔔黎整糕,我又身痕突然間想整, 所以就買左一條番黎整啦.
但係可能前日行街行得太耐, 今朝又早被人嘈醒, 之後又同兩隻野去整天疚, then再去街市, 所以又搞左成朝先番到屋企. 到我整糕時, 我覺得自己唔夠精神, 因為………成日出事囖. 我唔小心將成樽粉整掉左, 搞到跌左好多粉出黎, 個檯面污糟晒啦. 跟住過左一陣, 我係度整緊粉漿時, 小冰同我講野, 佢走左之後我睇下煲湯, 突然覺得條褲咁凍既, 原來係d粉漿整瀉晒我都唔知, 又抹一餐啦.
因為係突然間想整糕, 所以浸唔切冬菇, 所以呢底蘿蔔糕係無冬菇的. 呢次係今年cny既熱身, 今晚會開估睇下個實同林既程度得唔得. 但係我尋日落得太多胡椒粉同埋個磅又咁啱無晒電, 所以d粉我都係大約斷估咋………hahaha.
尋日又用部機黎刨絲,好好玩呀, 一野就變晒c啦, 爽! 以前真係刨到手都軟晒, 而家就舒服好多了! 所以有時有d工具真係一定要有架, 可以幫到自己好多!
**************************************************
尋晚食左啦, 今次個實既程度係..........perfect喎. 居然, 因為我之前都提過個磅壞左, 所以所有粉既份量我都係斷估的.係個味就真係甜左少少同辣左d(因為落多左胡椒粉呀).
尋晚係整黎做消夜, 我叫亞嗲叫工人煎幾年試下啦, 因為我都唔係太肚餓. 點知個死野叫工人煎成半底咁多, 我一見到話邊度食得晒呀? 亞嗲話:食得晒啦. 我食左2,3件就走番去睇電視啦, 到再賣廣告時出黎, 問個仔食左蘿蔔糕未, 佢話:都無晒啦. 我話:吓, 無晒??!! 我問亞嗲: 咁大碟蘿蔔糕你食晒唔留俾個仔呀? 亞嗲: 無啦, 都話食得晒架啦. (佢仲要完全唔覺得佢唔番俾個仔係無問題喎)
叉燒飽 - 好好味, 但係就中唔中, 西唔西咁!
law米飯 - ok
燒賣 - 好味
蝦餃 - ok好味
豬潤腸粉 - d 腸粉唔夠簿, 但d 豬潤就幾好味
波菜餃 - 一般.......因為入面全部都係波菜無其他野的
鳳爪 - ok好味但太少.
咸水角 - 好味, 脆架. 但好鬼死熱.
今日係亞嗲放假, 佢話好倦喎, 所以一早已經叫左我今日去dup骨. 所以今日係雙 “深”記 – 深圳 + 深水埗.
本身我係唔倦的, 但係一訓係度等人dup骨時就突然覺得好倦, 好倦好倦了. 呢d應該係個腦既潛以識影響. Dup完既時候都唔夠喉架,不過都dup左3個鐘啦, 等下次啦.
其實都無諗過去呢間野食的, 只係前幾日個妹講佢去左, d野幾好食, 咁我又有野要去深水埗買, 所以咪順便去試埋啦. 話晒人地都係米芝蓮食肆嘛. 去到深水埗都成差唔多5點, 初頭諗住早d去添好運啦, 但係又去錯左另一條街, 又覺得好似好遠咁, 因為仲有其他野未買, 又已經幾倦下, 時間又唔早, 所以都諗住唔去啦. 點知, 問完我妹地址之後, 行行下又去到那條福榮街喎, 咁啱我地又係街頭, so 又轉呔去啦. 我地都幾快就搵到(因為我地唔識邊條街打邊條街的, 我地只係認得d 舖頭咋), 一去到登記啦, 當時都無咩人, 我地係要等一張檯咋, 轉頭都唔夠5分鐘, bang bang 聲好多人黎到, 一下子已經有5, 6張檯要等啦. 好彩真係早到左呢5分鐘咋!! 食完打包d叉燒飽俾佢2個野試下.
整體黎講, 你話佢係超級好味我又唔係太覺得, 無話好驚喜既好味. 佢既味道同中環既蓮香居幾似. 但係佢既材料真係好多, 好似燒賣同蝦餃, 真係有好多蝦的, d蝦好爽口(唔係爽到假那種口感)同埋d蝦都幾大隻的. 但係個叉燒飽………可能聽得多, 所以成日以為係白色那種中式叉燒飽, 所以食落個感覺係中唔中, 西唔西咁, 怪怪的, 但係真係好好味. 若果佢叫酥皮叉燒餐飽, 我諗個感覺正常好多. 佢個包既皮其實係墨西飽咁上下的, 入面係叉燒飽既餡. 總括黎講, 佢好在無咩味精, 同埋無平時d酒樓d野食咁多油.
反而我覺得佢既咸水角有d驚喜, 因為係脆脆地的, 入面個心係好鬼熱架. 我要放好耐等佢涼番先敢食. 但係我個日生飛滋, 所以食得唔夠放, 因為我怕食得快咬到粒飛滋就大镬啦.
佢既地方都ok乾淨的, d裝修都ok呀, 無想像中深水埗舖頭咁既格局. d服務員都ok好的. 點心黎得幾快, 可惜既係選擇唔夠多.
