青瓜炒鮮魷 – 附食譜
今日見d 青瓜好靚, 所以特登買d 魷魚黎炒. 好味!
材料:
1. 青瓜 2條 (切厚片)
2. 魷魚 3隻 (大), 約10兩 (界花後切片)
3. 蒜頭 3粒 (切成蒜茸)
醃料:
1. 糖 適量
2. 鹽 適量
3. 豉油 適量
做法:
1. 將鮮魷醃最少30分鐘. 煮之前格開醃料(汁), 備用.
2. 燒滾油, 將蒜茸爆香後加入鮮魷兜炒至6成熟. 取出備用.
3. 將油燒滾, 下青瓜炒幾炒後落鹽(適量), 炒勻後加入鮮魷兜炒. 再將醃料(汁)倒回镬內再炒勻. 蓋上蓋一陣, 見魷魚卷埋即可熄火上碟.
Tips:
1. 青瓜不要煮得太耐, 以免變得不夠爽脆.
2. 魷魚的醃料汁留起倒回镬內等青瓜索埋會更好味. (亞嗲以前唔食青瓜的, 就係呢個餸佢先肯食青瓜, 仲話青瓜好味叫亞仔食多d tim.)
3. 青瓜若有白色一粒粒吉手的為新鮮靚野.
好鐘意飲牛秋魚湯的, 今日見到有得賣, 仲要係生歐歐架, 所以買番黎煲湯. 而家好期待呀!! yeah!!
材料:
1. 牛秋魚 約一斤 (去鱗, 洗淨) (張相呢度得12兩度咋)
2. 紅蘿蔔 約2斤 (切一舊舊)
3. 粟米 2條 (切開3, 4 舊)
4. 南杏/北杏 適量
5. 蜜早 4粒
6. 果皮 1角
7. 薑 5片
8. 水 約14碗
做法:
1. 先將牛秋去清d 鱗, 洗淨, 格水.
2. 其他紅蘿蔔, 粟米洗淨切好備用.
3. 南北杏, 蜜早, 果皮(刮去d 皮內既白色東西)浸透, 格水備用.
4. 將7碗水煲滾.
5. 燒滾油, 落5片薑, 煎香d薑後落魚, 將兩面既魚都煎香直接將大滾水先倒約一半水入镬內. 等佢大滾約20分鐘.
6. 滾緊d魚湯既時候可將餘下的7碗水及其他所有材料放入高速煲內煲滾佢.
7. #6的水滾後,將#5滾好的魚湯倒入高速煲內,蓋上高速煲蓋. 加壓 30分鐘.
7. 排氣後, 打開煲蓋, 用大火煲10分鐘, 加鹽調味即可.
Tips:
1. 牛秋魚是好有益的. 生既牛秋魚唔係常有.
2. 牛秋魚既湯是好甜的,大人細路都鐘意飲.
3. 呢個份量既水,煲好後大約得番10碗水度啦.(以高速煲計)
由於上次整既牛肚我 “嚴”佢個汁唔夠味(唔係炆得唔夠耐所以唔入味而係個汁本身唔夠濃味),咁上次整豉油雞時又覺得個汁好好味, 所以就試下mix and match 將個豉油雞汁用黎炆牛肚, 睇下個效果點樣.
*************************************
一睇個樣就知道唔得啦...........累蚊蚊.
呢個汁係一d都唔可以用黎整牛肚的,因為好咸好唔炆唔林d牛肚的. 我食左兩舊就成碟掉晒佢啦.
我俾10個x!!
