由於新年前我將個fissler高速煲蓋拆晒出黎洗乾淨佢, 洗既過程無事, 但係裝番d野既時候出左事. 就係上面呢粒膠, 我裝番入去因為要對番啱個位, 所以就"蚊"下佢啦, 一"蚊".......就爛左一忽了. 初頭就梗係諗.......妖, 真係衰, 我好似工人咁, 從來唔拆出黎洗就無事啦, 咁勤力做咩呢??!! 但過多2秒之後諗, 個煲都用左4, 5年啦, 而家先要換都ok啦, 起碼食得乾淨好多嘛.
so 就去左佢地既專門店到買啦, 盛惠$48!! 買左番屋企即刻換左佢黎用啦, 因為無工人想放工炆野既話唔夠時間的, 而個日就係plan左整薯仔炆雞翼!! 放個蓋去試, 咦!! 高速唔到既? 點解呀? 咪玩野啦, 趕住煮飯架!! 試左幾次都仍然係咁, 唯有放棄啦, 因為..........唔通我唔駛食飯咩!!
第2日拎去專門店搵d職員幫我睇下有咩問題啦, 整完番屋企再試, 頂, 都係唔得既. 跟住打去公司問啦, 後來又再拎個蓋去俾佢地試, 逐樣野逐樣野試, 終於搵到個問題係咩, 原來係一粒我完全無掂過既零件!! 真係頂頂頂呀!! 點估都估唔到居然係壞一粒我無掂過既野啦, 唉......... 無端端搞左我咁死耐, 原來係因為佢, 真係激死人!! 最尾埋單, 我用左2xx蚊(有個parts 人地用開個新黎同我試, 之後雖然唔係呢個parts既問題, 但我見個職員咁好, 逐樣逐樣同我試, 反正我本身那一個都裂左, 所以是但啦, 買左佢啦, 放係到做spare啦!)
