呢個微波爐係被人強行搬左黎我屋企的, 我原本都話唔要的. 咁搬到黎, 我老公話有用喎, 見唔駛錢又見有位放就算啦, 收留佢啦.
我咁耐以黎都無咩用過佢, 唯一覺得佢好用既係.............用黎整溶D 牛油 咁大把.
呢個焗爐我又係覺得好抵的, 只係$320. 個排係JUSCO等大電器舖睇左好耐, 都無一個啱. 因為我想要個內隆大D既. 但係個個都係差唔多, 就係豐澤俾我見到都係咁上下內隆, 但係價錢就平成一半既忠臣牌, 所以只用了3秒就決定搬番屋企了.
呢個光波爐真係正到爆, 而家我好少用佢, 因為我已經將佢PASS左俾我工人. 每個星期, 我工人都必定用佢黎煮餸的.
佢真係衰在阻定, 但係佢係超好用的. 成日用佢黎整雞翼, 豬排, 豬頸肉, 雞排, 燒排骨等. 燒肉, 燒鴨都係用佢黎整的.
