My 5th Cream Cake - 有大有細 Cream Cake

由於幾日無開工, 所以尋晚(即係20號晚)雖然都好倦, 但係都開工, 否則怕學完耐無練一陣又唔記得就死.  由於唔夠精神, 所以見到個蛋糕都無咩點裝飾, 因為腦閉塞, 諗唔到野.  原本無諗過咁整d cream的(側邊), 都係諗住好似平時咁整平佢, 但係見唧左出黎又ok喎, 又有另一種feel (凌亂美), 所以就由佢啦, 因為唔駛咁悶嘛. 個蛋糕唔知點解尋晚明明test過係熟的, 但係切開時中間好大pat 係未熟, 咁又要再焗過再等過, 真係想死!! 好彩尋晚好早整, 所以叫做仲有時間, 不過整完都9點半啦, 我都趕唔切睇真相!!

由於有好多cream, 加上我記起有呢d 模, 所以拎出黎玩下囖(買左都未玩過).  就係咁即興整左呢. 咁樣食又幾好食喎, 同埋方便, 快趣, 切都唔駛切黎食, 下次可以再encore.

呢個係我唧左d花之後, 叫小冰自己decorate既.一睇都知佢同我一樣無藝術天份的, 所以整到樣衰衰咁, 不過算啦, 當俾佢玩下啦, 而我就自己練下唧花囖.

好軟熟既麥包呀 - 附食譜

今朝既早餐就係呢份(呢度係半份, 因為食左之後忍唔住要影低佢)麥包火腿治, d包好軟熟, d 麥係剛剛好唔太多, 但係又有d喎, 因為太多就好鞋架嘛.  所以好鐘意, 就即刻影低佢啦, 我未問亞嗲呀, 因為亞嗲呢個wk都要上堂, 所以打唔到俾佢. 今晚問下佢先.

麥包 (Timer包)

材料:

1.水        190g

2.高粉      250g

3.麥粉      50g

4.庶糖      1.5 tb sp

5.鹽        3 g

6.牛油      8g

7.yeast     3g

做法:

1. 將#1 - #7 所有材料順序放入機內.

2. 禁 select --> regular --> crust --> light --> 調較時間到指定出爐時間--> start

3.指定時間完成後長按start令佢熄機關電源, 將麵包取出放涼後便可切片享用.