今晚食咩餱 - 2012年6月10日

1. 回鍋肉
2. 清炒白菜仔
3. 煎黃花魚
4. 冬瓜淮山茨實沙參肉竹蜜棗排骨湯

李錦記 - 回鍋肉醬料 - ok喎

呢包係贈品黎的, 都攞左幾個月, 怕佢過期(其實我唔知佢幾時到期的), 所以清左佢啦. 跟住個盒底既指示買齊晒d料就開工.  初頭真係15/16, 唔知佢係咩味, 又怕唔好食!! 因為我本身都甚少食回鍋肉的. 所以你諗下我想像到煮完出黎會有幾受歡迎呢?!

一路跟住指示去落d調味料, 唔知點解, 居然煮完出黎會咁鬼多水喎, 所以更加打折扣.

一如以往, 佢地食住飯先, 我係去沖埋個涼先食, 一路沖涼時聽唔到出面有咩動靜喎. 唉, 奶野啦, 整完唔好食既.  到我沖完涼出去食, 第一啖就食呢碟餸試下咩味啦, 點知又o喎, 可能係我鐘意食甜野, 所以佢甜甜地又幾開胃咁. 跟住我問亞嗲好唔好食, 佢話好呀, 幾好呀.  then 我問大兵同小冰, 佢地2個都話好食.  大兵仲旱有地自己話: 媽咪呀, d豬皮好食呀, 唔肥架. 我好出奇佢講呢番說話, 因為佢平時少少肥又話食完想嘔的, 真係麻Q煩. 所以我即刻夾一舊豬肉黎食啦, E 又真係喎, D肥豬肉係唔覺得肥膩的. 

今餐飯小冰好寧靜, 所以我估佢雖然話好食, 但係都係一般鐘意食咁啦. 點知, 原來小冰係咁夾D菜黎食, 係不停口咁夾. 仲話D菜好好味.  THEN 我知點解了, 因為佢頭先掛住睇電視所以先咁靜.

今次試完, 效果幾好, 下次可能會買其他既再試下先.