八角香草烤雞 - 附食譜

由於星期四晚又要諗下星期六食咩叫工人買定, 所以唔好理佢, 叫佢買左隻雞番黎先啦. 跟住到星期五下午5點, 工人打黎問我隻雞駛唔駛要切左d咩, 跟住我即刻o晒咀, 因為我仲未諗到整咩雞喎, 點答你呢! 跟住我又拖下話我一陣再打俾你啦. 最後............都係諗唔到整咩就唯有求其向住烤雞呢條路進發啦, 叫工人切晒d野佢啦.

到今朝, 我突然間有idea, 我想試下整呢個八角雞, 所以就去番人地個網址度搵番個食譜出黎啦.

材料:

1.雞                1隻

2.八角              兩粒

3.香草(隨個人喜好)  適量

4.蜜糖              適量 

調味料:

1.鹽                2 tsp sp

2.紹酒              1 tb sp

3.生抽              少許

4.老抽              極少許

5.糖                1 tsp sp

做法:

1.八角用攪拌機打碎

2.將雞洗淨, 然後在胸口位置開邊

3.調味料平均搽勻雞的內外

4.將1/10份量的八角碎搽於雞表面

5.9/10搽勻雞內面，最後內外平均灑上all purpose香草碎

6.以250度火預熱光波爐

7.以牛油查滿鍚紙, 包住成隻雞, 放入光波爐內, 將雞的入面向上, 烤完呢邊, 先後轉, 再烤另一邊.

8.雞熟後除去鍚紙, 今次係將雞背向上, 再光到個皮夠乾身夠脆便可.

******************************************************

食左啦,個味ok, 但係就真係唔知似中式定西式, 好難介定. 又好奇怪喎, 亞嗲居然話個雞好聖誕呀, 我好"惡"然, 我話你講緊個味好聖誕定係個look好聖誕呀? 佢話,個樣law. (因為原本人地真係整呢隻雞做聖誕餐架, 不過我真係唔覺得隻雞個look有咩咁聖誕feel.)

*將八角磨成粒狀, 我用左empress部機黎磨的, 出黎都好ok, 下次我可以磨埋黑椒tim, 唔駛用那個野整到手都軟埋.

原食譜在此: http://hk.myblog.yahoo.com/KellyandRuby-mami

工展會戰利品

今日行左3個幾鐘頭既收獲.

呢d全部都係係肥x那一檔美味棧度買的, 有麵豉醬, 有鮑魚汁, 瑤柱汁, 有一支頭抽(贈品), 有海蜇, 有榨菜.

呢d蜜糖我舊年係工展會度買左6枝, 覺得佢幾好, 而家仲有2枝幾淨左係度, 所以只需要補2枝貨就夠了.

呢d果汁, 係咁橋行過佢話1蚊一罐, 一人限買一罐, 所以就買左2罐試下啦.

呢d炸魚皮又係舊年係工展會買過的, 而家40蚊6包, 所以又encore啦.

呢樣係咁多樣最好的, 呢個牌子既跌打酒好有用, 仲要唔係有人介紹我架, 係街派sample, 我一路pat左係屋企, 有次亞嗲整到, 佢攞黎試下, 佢查完就話呢隻野好, 跟住就當佢寶咁, 成q日有野就查佢. 跟住舊年工展會就買左佢既膏, 上次去韓國旅行, 我唔知點樣整到個博頭好痛, 好彩查左佢, 跟住幾個頭後已經無咩野了.  所以都對佢d產品開始有信心. (d 鞋墊係贈品黎的)

呢個係佢新出的, 入面有好多藥係度的. 可以放入微波爐加熱 3分鐘, 然後用黎fu係痛既地方, 如風濕, 倦呀, 脹痛個d.  若嚴重少少既就查d跌打酒先, 然後先fu呢舊野.

總結: 今年工展會d野, 好多都同超市/百貨公司差唔多價錢, 所以真係抵買既唔太多.

如:

1. 威馬蒸氣乾洗刷工展會賣$398送多一套配件, 之前sogo thankful week 賣$358, 用hsbc 咭有9%回贈tim. 雖然係多左一套配件, 但係應該都唔係咁易爛啦, 所以要俾多成$7x 要個套配件唔抵.

2. sweet medow 既 manuka honey, 佢賣$98一樽(500g), $240/3樽.  我2個wk之前係jusco 買特價$89.9一支, 又係hsbc 有回贈9%, 所以折左一枝都係差唔多$80, 我仲唔駛要一次過買3枝tim.

3.嘉頓既樂天熊仔餅, 係超市經常都特價係$19.9 甚至係$18.9, 但係今日見佢賣$20一盒.