呢幅圖切既條都嚴粗得滯, 因為用呢幾條煮黎食, 出黎係硬既, 唔得. 最後要再切幼一半再拉長(即係拉幼佢)先ok咋.
好耐無開檔啦, 係連續放3日假入面既最後一日, 因為亞嗲要番工, 所以無人陪我玩, 咁就唯有自己搵野玩啦. 見屋企有好多粉麵, 所以就搵野黎清敢d粉啦.
今日揀左整烏冬(個食譜話係麵黎的, 但我覺得完全唔似麵, 似粉就真, 所以就當佢係烏冬啦.
真失策, 原來呢個食譜係清唔到我d高粉的, 反而清既係......westwings中粉. 跟住個跟機食譜, 我覺得唔夠水. 因為d粉散修修的, 黏唔埋架, 所以佢一路攪時我一路加d水入去.
初頭(見上面其中一幅圙)又切得粗得滯, 所以煮出黎都係有硬既感覺, 但係到後來個d就完全無問題啦, good晒. 不過切就切得耐左d, 我玩左成個鐘頭先切得晒, 所以個博頭好倦.
幼烏冬食譜: (我呢度煮左一份)
1.水 100g (再要加多d, 自己睇住個粉團黎決定啦)
2.高粉 50g
3.中粉 300g
4.鹽 1 tsp
5.橄欖油 1 tbp
煮烏冬用:
1.油
2.麻油
3.萬字醬油 (唔想太鹹)
4.糖
5.大量蔥粒(我呢度都唔夠多(一隻豉油碟咁多), 要再多d, 所以寫住要大量)
做法:
1.將上面所有放入麵包機內, 禁"cookies/pasta dough", 見佢d粉若散修修就加d水入去, 自己執生.
2.8分鐘之後佢會嘟嘟聲, 聽到之後再禁多次"start",佢會再打多5分鐘的.
3. 打好之後, 用保鮮袋入住放係雪櫃30分鐘.
4. 30分鐘後(今次我放左個半鐘)取出, 將乾粉撤係膠墊上, 放麵團上去, 然後又再撤多次乾粉, 用木棍碌到佢大約3mm(我呢度當然係亂咁黎, 有斷估, 無痛苦啦).
5.將3mm的麵團面同底都撤多些乾粉, 然後將佢對摺, 再撤多次乾粉係面, 然後用刀將佢切幼條. 切完之後將幼條打番開佢, 然後再拉長d, 將佢再變幼d(否則怕佢煮完次後又硬, 好難食的). 將條幼烏冬放係碟上, 再撤d 乾粉上面以防佢痴住其他既烏冬, 如是者, 又耐唔耐再撤d粉等佢保持獨立性.
6.切晒之後, 煲滾d水, 加少少油同鹽落水. 水滾後將麵條放入去"陸"3分鐘, 格乾d水撈番上黎.
7.燒熱隻镬, 加d油, 煮滾之後, 加d麻油, 豉油, 少少糖落去. 再煮滾之後, 將所有野倒入碗蔥粒度, 然後就可以倒呢d 豉油落d烏冬度撈勻佢黎食啦, 好方便..
