呢個餸既靈感係源於臘腸粒蒸勝瓜的, 原因係我突然間覺得反正都用左雞湯浸d勝瓜, 不如就浸埋黎蒸啦, 咁又既然用雞湯浸佢, 所以就係底加埋粉絲啦. 我最最最失敗既係..........唔記得左影一張係夾去左d勝瓜既粉絲相出黎. 不過唔緊要, 因為我地全部人都好鐘意食呢個餸, 所以一定會encore的, 下次補影啦.
2個餸係同一時間上檯的, 我第一啖係食蒸勝瓜先的, 正如我之前所講, 你唔會有驚喜既感覺. 但係當我夾呢一碟既勝瓜黎食既時候, 就真係有幾好既感覺了. 原因係呢個餸有湯, 所以感覺係較濕潤(其實另一個勝瓜餸都唔係乾, 只係同時間比較咁更係唔夠呢個黎啦). 而呢個餸我認為好既城方係以往食親臘腸都會覺得油膩, 肥, 成口油, 但係呢個餸真係絕無呢個感覺, even係夏天食我相信都係適合的, 所以臘腸迷真係可以試一試呢個做法. 而最後又係經過人手強迫性管制先至能夠淨番2件(今次真係留唔到3件了)給工人.
我係到話唔記得影d粉絲, 下次要整過黎影番張相. 小冰聽到即刻話好野, 可以再食.
材料:
1. 臘腸 1條
2. 勝瓜 半條(約半斤)
3. 乾冬菇 2 - 3隻
4. 蝦米 適量
5. 雞湯 適量
6. 鹽 少許
7. 粉絲 半包
做法:
1. 將乾冬菇浸軟, 洗淨後渣乾水份, 切粒備用.
2. 將蝦米浸軟, 洗淨後抹乾水份, 備用.
3. 粉絲用水浸軟備用.
4. 將勝瓜刨絲(間住黎刨便可), 洗淨後切件備用.
5. 將已洗淨的勝瓜用叉將佢"吉lone".
6. 將已"吉lone"的勝瓜用雞湯浸住.
7. 將臘腸沖一沖水(我自己個人喜好), 然後抹乾, 再將佢切細粒備用.
8. 燒熱隻镬後(唔駛落油), 用中火將臘腸下镬炒香, 盛起備用.
9. 用炒完臘腸餘下的油將冬菇至9成熟(唔夠油就加油), 然後再將蝦米放入同炒, 炒一陣再加埋臘腸一齊炒勻3樣野.
10. 將粉絲放在一隻兜型既碟上, 將勝瓜從雞湯取出直接舖係碟上, 將每一件勝瓜也灑上少許鹽(整件勝瓜都要有鹽).
11.將#9的所有材料舖在勝瓜上面. 然後將雞湯倒入碟中(不需要太滿, 大約是瓜身的2/3高度便可).
12. 放入大滾水的镬或煲蒸9分鐘便可上碟.
流程圖如下:
tips:
1. 食既時候一定要用匙"更"整件"筆"起連埋混合臘腸粒黎食先正確的.
2. 勝瓜要揀d軟身的.
3. 勝瓜要切有平面才能放上混合臘腸粒.
4. 臘腸:冬菇:蝦米的比例是1:1:0.5
1. 食既時候一定要用匙"更"整件"筆"起連埋混合臘腸粒黎食先正確的.
2. 勝瓜要揀d軟身的.
3. 勝瓜要切有平面才能放上混合臘腸粒.
4. 臘腸:冬菇:蝦米的比例是1:1:0.5