由於之前收到鴻星酒樓的X小姐(我唔知佢想唔想開名, 所以就寫X小姐吧)邀請參加他們的臘腸食譜創作, 所以就收到呢幾盒臘腸, 膶腸及鵝肝腸了. 老老實實我係好心急想快D收到的, 因為雖然食左幾十年臘腸, 但係每一家出品既臘腸係味道同質感上都會有分別的, 所以最好就係試左佢係咩味才諗食譜會好D. 再加上我係假日煮飯婆ONLY, 所以時間上有些趕, 因2星期入面既星期六及日不多, 又講真, 唔係一試一定成功的, 所以真係需要D時間先得.
其實初頭我都無諗住參加, 一黎係以為係D惡作劇留言, 二黎係對自己無咩信心(因為我從未參加過的, 唔知係點樣). 後來又15/16之間, 咁就打去搵呢位小姐詳情係點, 我諗我都算問得比較details, 原因其實係因為我唔知自己hand 唔handle 到, 怕做得唔好影響左人地. 又怕要唔知整幾多個食譜出黎先得, 我唔想好大壓力嘛, 所以問晒之後先放心d. 因為有時未見過/未食過既餸, 唔等於人地從來無人做過(但我又真係無見過嘛), 咁我怕出現人地以為我抄既情況(即係apple logo 事件, 口同鼻哎)就唔好啦, 參加既目的只在開心, 只係想去試一d自己未試過既野, 從中體驗個過程, 學多d野, 所以唔想搞到自己唔開心.
問完之後口快快咁答左人地話參加啦, 跟住先識得驚, 死啦, 腦閉塞, 咩都諗唔到既, 但係時間就快到啦. 好彩, 過左幾個鐘頭之後, 我諗到2個食譜, 跟住就打俾亞嗲同佢講晒成件事, 又問佢呢2個食譜ok嗎? 好彩亞嗲都話ok, 可以試下. 跟住我就同小冰講呢件事, 佢好雀躍, 好開心, 好似佢有份參加咁.
到收到d臘腸既時候, 我覺得佢個包裝幾靚, 再拆開埋鮮肉臘腸, 覺得佢入面既安排好體貼, 因為佢係每2條就用真空袋包裝的, 咁樣方便好多, 有時食唔晒都唔駛一開口就疏左氣, 同埋又唔駛整到周圍都肥到死. 佢d色水都幾靚, 幾鮮色下, 我好怕d臘腸d色太沉的, 因為一沉色就怕佢係用d死豬病豬既肉黎整. 佢既肥瘦比例都ok, 最怕係美心個d 加瘦臘腸, 死到我死死下, 因為好似食緊條柴咁, 又硬又un(我食過只係因為我係亞姨屋企食, 我一定唔會買無肥肉既臘腸的).
由於快將要開工, 所以即刻蒸左2條臘腸黎試下味啦, 試左個感覺好似實在d, 起碼知道佢係甜甜地同埋個甜度去到邊, 個質感係點樣.
沒有留言:
張貼留言