剛剛團購左呢部熱狗機, 之前都post過係度話想買, 但係呢部野原價要$4xx 蚊, 完全唔值. 咁橋今日俾我見到呢個團購, 只係$78咋, 所以第一時間郁手啦. 要9月中先可以攞貨, 有排等!!
亞嗲: d腸唔可以用隻镬煎咩?
我: 可以呀, 不過要開镬好麻煩嘛.
亞嗲問我: 擺係邊呀?
我話: 唔知喎.
亞嗲話: 用個頭頂住佢個.
我話: 唔用個時放係個櫃頂咪得囖, 好易之嘛. (我心諗, 個壓麵機而家都係放係櫃頂架啦)
買呢部機我又要過5關斬6仗先買到番黎架!! 不過, 有得買玩具就補番晒條數啦! yeah!
