迷你雞蛋仔 & 迷你格仔餅

買左個迷你雞蛋仔模同迷你格仔餅模, 呢次都唔係第一次整了, 只係經過幾次既改良同試驗, 今次算係比較成熟既成果, 所以可以用機影低佢.  

由於佢係迷你版, 所以我一路係廚房整, 2隻野一路係度食, 我一對手實唔夠佢2把口快啦, 所以........ 又係搵笨既!

個味講真就唔係100%似係街買的, 但係都8, 9成似, 收貨啦.  個效果就做唔到外脆入面軟啦. 仲要多練習先會更好!

仿 jenny's cookies

呢個係上網見到人地話個食譜好似jenny's cookies咁的. 咁又學人整下啦. 點知........整完出黎拿佢出黎時已經整爛/碎左好多了...........真係好鬆化!! 但係我就嚴佢鬆得over左. 都碎晒啦, 仲邊有得食呢??!!

蓮蓉西米糕

呢個西米糕係睇肥媽個節目學的, 一次過唔為意整左一份, 出黎係多到食唔晒. 下次要醒d, 唔好整咁多啦, side料.

但個味道幾好味的, 我其實都成日係街買黎食的. 不過係再大件d, 一次食一件都唔夠喉的.