前幾日同亞嗲去惠康, 佢係度幫我揀緊富有柿, 我就走去行下啦, 行左去我甚少去既section, 就係……肉櫃. 突然間被我見到一d 肥瘦相間既豬腩肉, 登時雙眼發光.
今日特登去睇下, 見有得買, 所以買左一pack番黎試下啦. 因為上次d燒肉我嚴佢太瘦了. 唔好食的.
我係個blog入面睇番我上次整燒肉既食譜, 我見我上次寫低過唔夠喊, 加上今次買既份量比上次少, 所以我就重新去估一個份量出黎. 今次d 花無上次爆得咁好, 原因係今次係一條條既燒肉, 唔係好似上次咁大塊, 所以好難插:隆”, 我被個仔叫一叫我, 已經一野插左落自己隻手度. 所以趕左佢走, 但係都依然又再插多一野自己隻手, 我諗因為未集中番精神. 其實呢2條我都已經插左好多”隆”啦, 但係就真係無上次插得咁放, 怕整到手, 所以………今次D 皮脆既係好脆, 但係帶D硬OR UN(應該係插得唔夠多 “隆”). 好彩既係普遍黎計都係脆既多.
但係呢, 咁樣一條燒肉, 整出黎又有個好處喎, 咁樣兩邊都燒得乾身d, 所以香好多, 真係好香. 有得有失啦, 個味今次好好多, 夠喊, 剛剛好呀. 呢個份量幾好, 唔太多, 一餐食晒!
材料:
1. 五花腩 2條
2. 粗鹽適量
醃料:
1. 紹酒 適量(查暈所有面便可)
2. 薑汁 適量(查暈所有面便可)
3. 幼鹽 1/2 tsp
4. 糖 1/2 tsp
5. 沙薑粉 1/4 tsp
6. 五香粉 1/4 tsp
做法:
1. 買番黎將豬皮去清D毛, 洗淨, 然後入滾水煲分鐘. 過冷河, 瀝乾水份.
2. 用豬插將豬皮插鬆後, 加入醃料 #1-#2, 然後再加 #3-#6(攪暈)塗抹於整塊五花腩的皮及肉, 然後將五花腩吊起, 自然風乾5-6小時.
3. 用鍚紙包裹五花腩, 留下豬皮部份露出, 鍚紙的高度要高過豬皮1吋. 鍚紙與五花腩不能太鬆, 最好密不透風. 以免粗鹽跌落豬肉入面.
4. 將粗鹽舖滿五花腩皮(約半吋高鹽), 輕力壓一壓d 鹽.
5. 光波爐 250度光15分鐘後將粗鹽除去, 小心不要整到落豬肉度, 否則會好喊.
6. 除去鍚紙及鹽, 將燒肉放回光波爐再用 250度再光 或至豬皮爆到開晒花便可取出.
7.食得健康D, 所以將燶的部份用較剪剪掉.
8. 將燒肉放涼才斬件上檯或用較剪剪開上碟.
Tips:
1. 用一條既豬腩肉插 “隆”時真係要好小心, 好易插到手的.
2. 用這些一條既豬腩肉, 豬插是用唔著的, 所以我改左用叉, 比我想像中易插喎, 都好容易插到入豬皮到.
3. 今次我醒左, 唔用刀斬啦, 改為用較剪. 費事好似上次咁, 被D肉汁整到D 皮林鬼左, SIDE晒我D 心機.
4. 呢個天氣整燒肉都幾好, 因為有風, 可以幫手風乾得快D. 我今日2點幾先醃佢咋, 到6點幾燒都OK.
