前兩日, 老板個女買左一包呢d 湯俾我飲, 係粉葛鯪魚湯黎的. 佢話幾正架. 咁我番屋企食完飯飲啦, 又真係幾夠味喎(我鐘意飲濃味湯的, 我最怕飲d 無料煲既湯, 好似水咁, side 火). 個味真係比我想像中夠味好多, 果皮味亦好香, 以咁樣一包包買番黎既湯計, 佢真係做得好好了. 飲完之後我又唔覺得口渴喎, 個晚都無咩飲水.
今日去左jusco, 見到佢做promotion, 見佢上次幾好飲, 今次買包碗仔翅黎試下啦, 因為………..佢點好飲都好, 無理由唔飲自己煲既湯走去買架.
一包倒出黎有大約2碗半度啦(其中2隻碗係細路碗, 細少少的), 料都算ok, 但係覺得好似幾勁garlic味, 飲完到而家條利都仲好似有d garlic咁的 反而呢個就有少少口渴feel. 呢個唔會encore啦.
反而係d 湯就真係會推介下俾人飲. 尤其是d好忙無咩湯水既人, 買佢都頂得住下架, 番黎成袋掉入去, 煲熱佢之後倒出黎飲便可. 只係………………………………….貴law. 我係jusco 見d 湯, 一包(約2碗)賣42蚊, 38蚊(特價左). 咁我成家人一餐飯飲起碼8碗湯, 條數………….. 都係適合d 1, 2個人既家庭only.
今日jusco 有9折, 所以唔駛24.5蚊一包.
沒有留言:
張貼留言