稻香酒樓@青衣 ~ 午餐

繼早餐之後, 唔知去邊, 所以就入左青衣...................行下, 真係無野做去行下咋.  行黎行去, 我地2個最鐘意睇, 睇左最耐既係....................青衣地鐵站商場那個接待處後面既大魚缸, 因為佢係圓巴形既, 所以我地一路睇一路轉圈, 好似去左海洋公園睇緊佢個舊既大魚缸咁. 成個商場最好睇既係個魚缸!!

亞嗲話食飯, 其實我未餓, 唔駛番工, 我係無咁易餓的. 不過就陪佢食啦, d野食, very一般，所以都食唔晒碟飯, 因為真係無咩吸引力令我去食埋佢.  不過...........幾年都唔會黎食一次的, 所以又...................算啦.

味千拉麵@柴灣~早餐篇

上面係亞嗲既早餐.

下面係我既早餐.




原本今日係去左旅行的, 但係因為打風, 所以無得去了.  亞嗲攞左假, 所以就2個人出街食早餐啦.  初頭亞嗲話去味千食, 我以為佢玩野, 因為從來都唔知味千有做埋早餐的. 入到去, 咦, 係真架喎, 真係有做早餐喎........ d野食就真係淡過淡水化合物, 無理味道, d 職員自己都係度食緊野睇報紙, 所以.............. 個感覺怪怪地咁.

一次算了, 無下次!

Another 新歡, 仲要打孖上添..........My first & second STAUB

尋日帶小冰去學野, 見STAUB 減價同孖人牌又減價, 諗住去睇下啦, 其實都無諗住買野的, 因為...........
我只係想買大煲之嘛, 同埋佢又唔係開倉, 所以應該都唔會好平啦.

去到, 都唔知係我好彩定係唔好彩, 佢做緊既PROMOTION 係26cm既圓煲, 但係有中銀卡就可以upgrade到28cm,
我一睇個28cm, 都幾.............. 似我想要既size. 最緊要既係佢只係賣$1280咋, 我覺得幾抵啦.  跟住仲要俾我見到隻紅色好靚, 識我既人都一定會知道我身上及我用既野好少係紅色的, 因為我唔鐘意紅色架, 但係呢個紅色我覺得靚呀, 夠sharp又夠grand. 咁我就打電話問亞嗲買唔買好啦(因為個煲好似比我而家既LC煲D大, 但係又唔係大太多, 我自己都15/16唔知買唔買好), 我當然有話俾亞嗲聽點解要買啦, 亞嗲話, 既然唔係大太多, 咁唔好買啦.  聽完之後, 我話吓, 真係唔買呀? 亞嗲話係呀. 咁好啦, 唔買就唔買啦, 反正我都15/16.......

今朝起身, 慘啦, 我尋晚居然發夢見到個煲呀, 個夢講D 咩我真係唔記得了, 只係大約記得買唔買個煲好呢, 又想買, 又想唔買, 唔知點算好咁. 呢次係我第2次睇完D野之後個晚發夢見到我想買既野的. 上次係EMPRESS部機.
 咁好啦, 既然我係咁鐘意就.......叫亞嗲同我去睇下啦(因為今日亞嗲放假呀, 真係天意!! 諗住等亞嗲決定啦, 佢話買就買, 唔買就唔買啦).

咁當然我又唔會直接叫亞嗲去睇煲啦. 亞嗲出左去食早餐,我打俾佢問佢: 你無諗住同我去街呀? 亞嗲話: 唔係呀.  我:咁你諗住同我去邊呀? 亞嗲話: 銅鑼灣囉. 我: 去銅鑼灣做咩呀? 嗲: 睇煲囉. 我: 哦, 咁呀, 好啦, 去睇下啦.(哈哈, 唔駛我出聲都已經搞掂左了).

同亞嗲一去到SOGO, 我指住個28CM煲, 亞嗲一打開黎睇, 我問佢: 大唔大呀? 嗲: 夠大啦. 我:咁買唔買呀? 嗲:買啦. 我: 真係買呀? 你覺得佢比屋企個LC 大得多咩? 嗲: 買啦, 都大幾多下呀, 夠大煲湯啦.

買完轉頭見到個綠色亞嗲話好靚, 我話: 我尋日都見到呢隻綠色我都鐘意.  then 就見到個20cm既綠色又做緊減價($780係TODAY SPECIAL黎架),亞嗲話買埋佢啦.
我未決定到所以睇左一輪(因為我屋企已經有另一個23cm既x圓珍LC煲嘛), 我係度猛問亞嗲:買黎做咩好呀? 有咩用呀? 跟住自己又答番自己: 佢呢個SIZE用黎SERVE野上檯就GOOD FIT既, 好靚. 呢個價錢又抵喎.  亞嗲話: 係呀, 抵啦. 我又再問亞嗲: 咁佢除左炆野同整煲仔飯(那個SALES 話, 但係太細唔夠4個人食)之外, 仲有咩用途呀? (呢個問題我問左亞嗲2, 3次) 最後, 亞嗲話: 可以用黎炸野, 可以落少D油. 我話: 係喎, OK, 咁買啦. 

佢要買夠2500蚊先有架車仔送,
唔係貪佢呢架車仔, 但係 係人都知呢D煲好死重架啦, 大佬, 唔係亞嗲係度, 我想買都拎唔到啦. 問左佢可唔可以加錢換架車仔又話唔得, 真係嬲爆!! 賣野賣得咁唔周到既真係...........無鬼用!! 最後我同亞嗲一人拎一個煲, 亞嗲拎得耐都頂唔住話好重!

個廚房又可以再靚D了!!
BUT 真係收手唔再買啦, 都夠晒了!

今晚食咩餸 - 2011年9月24日

今日又係要帶小冰去呢度個度, 所以求其整少少, 有肉有菜便算.

1. 鹽焗烤雞

2. 瑤柱炒西生菜

3. 辣菇

湯: 南北杏無花果日月魚雪梨湯 (今次加左d日月魚落去, 又幾好飲喎)

南記粉麵@銅鑼灣

係銅鑼灣要有冷氣仲要有咁大碗, 真係係南記先可以. 佢仲係賣緊$18一碗雙併粉/麵, 真係超抵, 而食物既質素都係ok既, 坐又ok, 真係好難搵啦.  

小冰一個人都食得晒呢碗魚旦魚片河(其實佢2年前已經可以食晒了). 呢間野我地耐唔耐就去食的, lunch諗唔到食咩就去呢度.

LE CRESUET 速遞

今次le cresuet開倉減價前都知道, 但係都係叫自己唔好去好d. 一黎真係無咩要買, 二黎係費事出事. 

我得一樣野好想買, 就係一個大煲, 我諗要30cm先合我心水, 因為而家個26cm 煲湯, 只能煲d 無咁多渣既湯, 一多渣既就唔夠位.  不過去到30cm既大煲點都會貴, 所以........唔去無蝕啦. 

我其實尋日都去過現場, 但係要排隊所以我好有型咁掉頭走.  話左要排就唔入去的, 講得出做得到.

但係今日有人入左去, 所以.........又遙控買左呢4隻碟啦.  d 碟係蛋糕碟咁既size喎(我無見過實物呀), 佢仲有隻黃色既, 但係我唔鐘意, 所以就買左呢幾隻啦.
 收到貨先再報告下實物靚唔靚先.  而家係賣$70一隻.

再一餐生日飯

另一餐生日飯

今次又係生日飯, 8個人+工人, 有咁多樣餸, 所以都即刻cut左炒菜心, 費事食唔晒side野. 點知, 又出奇地食晒喎(除左碟菜)!!

1.Zoe蛋糕一個 (呢個蛋糕成400蚊, 所以諗住好好食啦, 點知.........一般啦, 完全無驚喜囖, 唔值400蚊. cova既蛋糕好食過佢.)

2.清蒸燕子星斑 (呢條斑好味, 大小適中, d肉一d都唔un, 有d滑添)

3.薑蔥炒蟹 (今次工人炒得甜左少少)

4.凍蝦 (我同亞嗲都唔鐘意食......因為我鐘意濃味, 而家凍食太淡口)

5.酸辣鳳爪 (我既至愛,特登叫亞嗲去買的, 成半年無食過啦!!仲有一包今晚食)

6.蠔油鮮菇紹菜粉絲

7.炸子雞 (d皮已經林左lu, 但d肉都ok既)

8.老水鵝片(我嚴佢唔夠濃老水味)

9.老水鵝腸 (same 唔夠濃老水味)

10.湯: 眉豆花生髮菜雞腳豬"月展" (都係一樣唔夠濃味)

待續.......

熱狗機.........剪彩啦!!! 好cute呀!

呢個係第一日整既熱狗, 係小冰既 tea 黎.

呢個係第日朝整既早餐, 係我既, 加左芥辣.

由於尋晚8點先食飯, 放左工之後又唔知點打法時間好(因為我唔鐘意番完屋企又出街的), 好彩突然醒起可以去拎得部熱狗機, so 即刻好開心了.

去到個度, 條龍好長好長, 有成40個人, 心諗, 唔係咁跨呀, 所有買左熱狗機既人都一齊今日黎換. 等既時候再睇下, 原來係我前面咁多人無一個人係換熱狗機既, 全部都係信用卡換禮物的. 初頭等既時候, 我咪望下個office睇下部機係點啦, 一望, 嘩, 嚇到我彈起, 部機好大好大部的.  仲諗緊, 死啦, 帶黎既環保袋都一定裝唔到啦, 咁即係要雙手托住佢黎行先得啦. 托住去食飯, 食完又要托住番屋企!! 再諗, 無理由山長水遠黎到唔拎, 第2日又再黎拎架, 唔理啦, 死就死啦!

後來到仲有幾個到我時, 我睇清楚d 個盒, 原來係寫住4個, 即係一箱入面有4個熱狗機. oh, 真係一額汗, 嚇死人!! (後來見到亞嗲同亞嗲講, 佢話你可以唔攞架啦, 等我去先攞, 我話, 唔得. 你估我肯唔肯就咁走呀拿! 我死都要抬佢走的.)

到收到實物時覺得, 咁細部既, 比睇相時想像中細. 到番到屋企即刻開箱, 嘩..............好得意呀, 好似部細printer咁呀. 我地個個都覺得佢幾得意. 

好啦, 終於等到今日可以試機, 尋晚叫左工人將4條腸解凍做好準備.  今日叫大兵番屋企時買埋熱狗包.因為我已經倦到死咁滯(由9點3出門口至4點幾先番到屋企, 唔係去行街呀, 帶小冰去學野同買餸咋!!)

總結, 部機係超值, 好得意, 好玩, 個效果都滿意, 抵到爛!!