由於買左大蕃茄番黎, 所以原本整左既防雀網用唔著啦, 拖左一星期, 的起心肝整個新既防雀網啦. 原本係諗住用竹枝黎自己扎個架, 但係............我唔識扎, 所以整到好鬆, 仲俾佢兩仔爺笑我話我整得肉孫. 後來亞爹頂我唔順, 所以幫我整. (因為我整少少都整左粒幾鐘)
因為唔夠竹枝既關係, 所以我又要落街補貨, 點知俾我係10蚊店到見到呢D 網, 我同亞爹係現場研究左一排, 諗到好簡單就可以整到, 所以就好開心咁買番屋企開工啦! 好快手, 亞爹就整好左3邊啦, 係活門個邊, 我地都研究左一陣, 睇下點樣會係最方便最簡單. 開頭諗住要鋸開個網, 但最後一D都唔駛改動, 仲非常之方便添!
整好左之後, 覺得幾優雅, 幾骨子, 幾靚. (用竹枝整就會有好NATURE 既FEEL, 但而家就另一個FEEL)
