Happypiano168: 02/02/14

2014年2月2日星期日

城市農夫 - 第一批芫茜 PART 1 (最後更新: 2014.2.6)

2014.1.19
估唔到咁幼既芫茜, D 種子居然會係咁大粒的.

2014.1.26

2014.1.27

生菜(左)都已經發左芽, 但係D 芫茜(右)仲未有動靜!!

2014.1.28

都仲係維持原狀

2014.1.29

2014.1.30

終於都見到有芽啦, 成11日呀!! 小冰好開心, 因為芫茜係佢種的.

2014.1.31

左邊係生菜, 右邊係芫茜

2014.2.1

由於有D幼芽一生出黎已經黃左, 所以我今日掉左4, 5棵了.

集中資源, 種出最好!

2014.2.2

估唔到咁遲出芽既芫茜(下),

咁快已經追到D 生菜(上)既高度啦.

由於見到呢棵幼苗一生出黎已經係黃色,

所以索性掉左佢, 免搶晒D 營養.

2014.2.3

2014.2.4

2014.2.5

2014.2.6

尋日先同小冰講緊, 點解D 芫茜既葉唔似街市買個D既. 我仲係到諗, 會唔會呢D根本唔係芫茜既種子黎呢??!! 定抑或係因為呢D 係泰國芫茜, 所以D葉係唔同既呢?

點知, 今朝一訓醒去巡視業務時就見到新長出黎既葉係鋸齒形的, 即係同街市買既係一樣呀, 好開心呀!

城市農夫 - 自家種第一批生菜 PART 1 (最後更新: 2014.2.6)

種呢D 生菜又係半推半就的, 事源係買左棵蕃茄番黎之後, 上網睇到人地種菜, 所以又想試下, 但係........得個想字, 因公司好忙, 所以都唔得閒. 後來因為同個住係美國既舊同事傾開計, 因為佢而家無啖好食, 所以我叫佢自己種黎煮啦, 佢話買唔到種子, 我話等我買左寄去俾佢(後來佢話連寄都唔寄得), 就係咁我就買左D種子番黎, 展開左我城市農夫既新一頁.

基於我無耐性, 所以揀D 比較快收成又有實用性既黎種啦, 所以揀左生菜同芫茜. 呢D 就係生菜啦, 落種子時得1X度, 所以成個禮拜先發到芽出黎. 而家已經種左差不多2星期啦.

由於同芫茜一齊落種子的, 所以有時D相係兩樣野一齊影的, 總之, D 葉D大D既就係生菜黎.

2014.1.19

D 種子係咁細粒的, 又尖, 好似D 米咁.