一路以黎呢套劇都只係播"很想討厭你", 小冰都識得唱晒啦, 呢首歌既曲係真係幾好聽, 易上口. 呢首我都OK, 但係......仲可以保持鎮定的.
到最尾個幾集, 聽到首插曲, 覺得幾好聽, 初頭聽都唔覺係陳展鵬唱既, 睇埋佢打字幕出黎先信的. 到呢個時候, 仍然..........保持到冷靜.
去到尾2個集, 開始黎料啦, 套遵成日都講住呢隻歌, 一路睇, 又一路好想色適去聽陸恭梓呢首歌, 可惜佢一路都唔肯去聽. 所以更加期待.............."差半步"既出現.
套戲HAPPY ENDING梗係好開心啦, THEN 再上網搵 "差半步"呢隻歌不停咁聽, 嘩, 正到爆!!
DOWNLOAD左落黎不特旨, 仲用埋佢黎做鈴聲添, 一整左, 幾想叫人打電話俾我呀!! 個鈴聲係亞爹同大兵2個一齊幫我整的. 格左一, 兩個鐘之後, 有個SALES CALL 打黎, 我特登由佢響左一陣先聽, 因為我要聽"差半步"呢首歌呀嘛. 由於太開心, 所以聽個SALES 講野, 我好有禮貌地SAY NO, 一D 唔耐煩都無.
同搵到 "差半步"呢首歌既同時發現左呢一首正野, 就係"很想討厭你"既廣東話版本, 呢首廣東話版叫做 "沒法討厭你" 係坤哥唱的, D 詞寫得超正, 所以超鐘意聽. 有興趣可以去呢到聽下, 包你話正!
好耐都無試過咁顛, 好鐘意呢種好沉迷既感覺, 好似番番去以前中學讀書個時咁, I MISS IT SO MUCH!
