又過左一日啦, 尋晚又試左一個timer包, 今次揀左蜜糖麵包. 順便教埋工人點去落材料, 好彩我做野穩陣, 我叫工人自己量野一手一腳搞, 話左俾佢聽要150g水, 條粉腸真係量左150g呀, 但係係連埋個杯既重量呢!! 我話佢做錯左, 問佢知唔知錯d咩? 佢當然唔知啦. 我話我要150g水呀, 但係而家係杯連水先係150g呀!! 隻杯足足20g重的, 影響都可以幾大架!!
今朝攞左3塊, 第一塊係咩都無揸既, 我嚴佢唔夠甜, 可能係我將蜜糖入左腦, 所以我真係expect有好明顯既甜味的, 我下次會加多少少蜜糖的. 今日開始習慣左d皮有少少”un”了, 比尋日覺得更無野, 而麵包入面當然亦係好鬆軟啦! 而家粉同水既比例我覺得ok啱啦, 可以開始打食譜了!
