燒......蜜桃雞柳

從來無諗住整呢碟餸, 只係因為想清下d野, 所以今日就開左幾罐罐頭整沙律食,又點知罐蜜桃係大罐但其他既就細罐, 為左唔好太大細超, 所以就唔落太多蜜桃啦.

突然間醒起可以用d蜜桃黎煮餸, 所以又係我既百寶箱入面搵左d雞排出黎, then 就有左呢碟蜜桃雞柳啦, 至於點解叫做燒……蜜桃, 因為我係用左燒汁黎煮囖.

糖醋豬軟骨 - encore

紅蘿蔔粟米豬骨湯

上面幅圖係剛開始煲既樣.

下面呢幅就係煲完之後既湯渣, d 湯去左邊?? 8碗湯飲晒啦.

呢兜湯渣只係所有材料既一部份, 我用左2斤紅蘿蔔, 3條粟米再加埋豬骨, 煲埋得8碗湯, 但係點解出黎都係………淨d既呢??!! 咁多料無理由會出問題的!!!

我懷疑我無用LC煲係關鍵, 今次我係用個FISSLER高速煲, 但係我都係同用LC煲一樣煲足2個鐘頭, 佢仲要煲左2個幾鐘添, 我完全無用高速的.) 因為咁橋上次無用LC煲黎煲湯, 出黎又係淨少少的, 但係用親LC煲煲出黎既湯真係甜好多架喎. 我會朝住呢個方向再多加研究的. 就此記低, 以茲証明.