最衰都係BK, 今次又係佢累我既. 因為一個TOPIC 睇到烘焙新手呢D書三聯做緊7折, 我之前已經買左一本, 無耐前都諗住等書展買埋麵點新手那一本, 而家佢衰到7折, 咁點忍到手唔買啫!! 7折喎, 幾難先會有7折呀! 要8折都已經好難等(所以我咪話等書展囉, 因為書展一般都會有8折既), 佢買夠500蚊可以做會員, 又即時可以成張單再95折, 所以我去睇時就連一D 只做85折既書都買埋啦, 因為85折再95折, 都差不多8折, 所以OK啦, 唔駛等. 咁多本書入面, 居然會係最鐘意自在生活那一本, 之前跟本唔知有呢本書, 都係BK睇到話係同一個作者, 所以去睇下, 點知買左番黎之後再睇, 越睇越鐘意. 點解? 下次講書入面既食譜時再詳細講啦, 因為我試左一個食譜.
唔知係真係我好彩, 定係我唔好彩至啱, 咁橋嚴浩本新書剛剛到, 仲要俾我見到(係唔知邊條友睇完放左係食譜個到俾我見到咋, 原本唔係放係呢到的), 所以又買埋啦.
下面呢張相係我儲齊一套三本!!
前幾日我係網上睇到人地話買OREL2包送一包朱古力, 諗住去買, 但係轉頭又唔記得左(可能買左都唔係我食既關係啦). 跟住今日又再見到人地講, 仲話仲有得送添. 又咁橋我行過萬寧問佢有無, 佢又話有, 咁就...............係你地見到既畫面囉. TOTAL 買左12包OREL, 所以送左6包朱古力. 真係超抵呀!! 因為包朱古力要3X蚊的, 亞嗲都話要30蚊呀. 個晚俾左一包個管理員, 之後問我媽要唔要(佢話唔要).
一星期後, 我媽係我屋企幫我執野, 跟住同佢講電話時, 佢話:好心你下次唔好咁痴線買咁多啦, 我見到有D 9月到期的. 我: 咁好平嘛, 買2包餅送1包朱古力, 包朱古力要30蚊架. 媽: 幾平都要食得晒先得架!
到今日6月2日我CHECK下個STOCK, OREL餅淨番4包咋, 朱古力就有4包幾............ 邊駛9月先食得晒呀!!! 我係買得多, 但係2條友仔食得仲多呢, 小冰一個TEA都可以食5包(細)啦, 即係成半包大架. 唔趁平買, 我破產啦.
