Happypiano168: 7月 2012

2012年7月31日星期二

呢D 蕉好快會黎到我屋企呀!! 識我既人可以落ORDER 攞蕉呀.

2012年7月30日星期一

民聲冰室 @ 筲箕灣

想試左好耐, 但一路都唔知係天后邊個位置, 終於佢係筲箕灣開左分店, 所以就去試下啦. 好期待, 大約等左20分鐘就有位. 入到去d位就迫d, 但係d waiter 招呼係好ok的, 斯斯文文又勤力快手(好多都係d 後生仔, 所以抵讚! 有禮拜, 又勤力, 係去搵野做的, 唔係要客去催架.)

知道佢出名既係蒸肉餅, 所以都一定試番個啦, 有大有細的, 呢張相既係大. 原本我想叫咸豬手, 但係大兵唔俾我叫, 最後佢揀左叫椒鹽豬排, d餸黎得好多, 全部野唔駛10分鐘就黎晒. 我拿拿林影完相就開餐啦, 第一啖食個肉餅....................e..........點解甜既??!!! 算啦, 諗住係人地既style, 所以嘗試去接受啦, 但係越食越頂唔順, 係好甜, 真係好甜, 撈埋飯食都覺得甜, 所以我下次一定唔會叫呢樣野食. 佢個texture係好的, 鬆鬆地, 唔會死死實實的, 但係............甜成咁既肉餅真係咪搞我!

碟馬拉盞炒通菜係亞嗲揀既, 唉!!! 好似無落鹽咁, 係有d味(馬拉盞味), 但係淡某某的. 所以.......又係失望之作.

碟鹽水雞就係亞嗲見到格離檯食, 話好似幾靚, 所以又叫碟啦. 我一食.............e 咪沙薑雞黎既, 頂, 早知唔鬼叫啦, 我都唔係幾食沙薑雞的(我唔係唔食, 但有得揀我唔會叫囉).

到碟椒鹽豬排, 呢個就幾好食, 唔乾身, 佢好得意, 有d 白胡椒味的. 咁多個餸入面係豬排同d雞個味道係ok (豬排就係好味). 雖然係咁, 但係我都無食得好唔開心, 因為佢地既服務係真係好好, 做野勤快, 有禮貌, 成日幫你添水, 埋單時又多謝前多謝後, 上菜又快, 所以都食得開心既. 用佢地既服務態度黎補番佢既食物水準啦.

2012年7月29日星期日

加東叻沙 @ 上環

雖然今日係星期日, 但係都要番工做野, 所以為左平衝一下心理, 就去食我鐘意既叻沙啦. 呢間野都好耐無食了, 原因係..........食完好快就肚餓, 所以咪少左食囉.

今日唔駛呢個真係唔得啦, 會死人架, 我個腦已經倦到就黎停係到唔識郁了!! 由於太耐無去過, 點知去到時發現佢有海南雞飯食喎, oh, 海南雞飯呀, 我另一個至愛呀! 就係咁俾佢打亂左我既陣腳, 掙扎左大約成5分鐘, 先決定叫海南雞飯. 點知, 我一話飲咩時人地話今日係星期日無野飲的, 咁我即刻好似係鬆左一口氣咁, 即刻話, 咁我唔要海南雞飯了, 我要叻沙. 原因係個海南雞飯餐可以加錢要龍鳳檸樂, 咁而家無得飲呢個, 所以唔要lu.

當碗叻沙黎到時, 我即刻飲啖湯, 嘩, 辣鬼死我(其實唔係好辣, 只係我唔食得辣啫), 但係又好好味. 即刻流鼻水, 個味道都仲係好好食, 但今次d粉就比以前多番d, 無咁少, 叫做有番d人性啦. 好好味呀, 好耐無食啦, 真係好味! see, 我就係想要呢種開心黎cover我星期日要番工呢種慘況!!

未試過既去試下啦, 真係幾好食架.