由於仲差一張$250既單就可以入會, 所以係deadline前叫多次pizza啦. 呢度係一個4-5人餐, 一個大批, 3個意粉, 一個雞"取", 一個田螺焗薯蓉 同埋 4罐 雀檸, 盛惠$252, 我覺得抵過堂食好多, 上次我地堂食食左$410.
小冰一個人食左一件pizza, 一盒香蒜肉絲意粉 仲有幾啖薯蓉....................... 養佢真係做少一份工都唔掂!! (睇住啦, 9點幾佢又話肚餓架啦!!!)
材料: (3 - 4 人份量)
1. 象拔蚌 2兩
2. 淮山 7 - 8片
3. 杞子 一小撮
4. 薑片 2片
5. 元肉(龍眼肉乾) 8 - 10粒
6. 瘦肉 隨意 (最少20蚊)
7. 陳皮 1角(即1/4 塊)
做法:
1. 將所有材料洗淨(果皮要刮去白色部份)連水同放入煲內, 先大火煲15分鐘轉細火再煲多2小時45分鐘, 加鹽便可.
功效: 有助改善尿頻, 健腎, 退熱明目, 清肝火, 滋肝陰.
