年初一@2011

新年之前收過pizza hut既宣傳單張, 見到呢個花開富貴pizza覺得好靚, 所以好想睇個實物. 到今日去拜年, 因為無煮飯, 所以就叫pizza hut 外賣, 我就梗係把握機會係初一就心想事成啦, 叫左呢個花開富貴pizza, 個樣都ok啦, 都ok好食.

唔知點解我地上次4個人係pizza hut堂食, 食左$4xx蚊(4百頭啦). 但係今日只係叫左$520 就夠8個大人2個細路食, 仲有食淨tim成盒意粉tim, 真係 r 頭!!

大吉大利@2011!!!

今日係年初一, 老老實實, 真係一d都唔覺得似新年的. 只係係屋企見到呢d佈置先有少少feel咋.

結婚咁多年, 今年係第一年亞嗲初一要番工陪唔到我地. 雖然係咁, 但我覺得仲開心, 因為一黎今日唔駛去佢屋企那邊(遲d先去), 二黎, 唔駛對住佢就唔駛呢樣又話唔好, 個樣又話唔做得啦. 每年我都唔鐘意新年, 因為亞嗲佢好差煩的, 唉.......... 尋晚已經又同佢少嘈啦(基本上每年新年都會的, 淨在係少嘈定大嘈, 因為佢太多野傳統了, 所以好煩.)

所以佢今日番工, 我樂得可以訓得好晏(唔駛趕住去佢屋企那邊拜年, 唔駛要就吉時出門口), 起身可以頭下係屋企hea下先去我媽度拜年.

一年做足咁多日, 唔想新年都要咁趕, 而家hea下訓夠晒先起身, so good!

亞嗲, 祝你年年新年都有得番工補水!! (咁我年年都可以好似今年咁free了)