人和豆品廠 @ 金魚街 = 味精多到嘔, 未出門口已經口渴

味就好味, 但係味精多到呢................想死!!

旺記 @ cwb - 夠镬氣

好味.

今日又要同亞嗲行街, 因為........考完晒試想出街. 我已經係星期五晚同左個fd食飯, 星期日又會去打麻雀, 所以一連3 day放監, 真係爽.

呢間野係亞嗲既同事同亞嗲去食的, 之後亞嗲鑽不絕口. 我地食過2次, 次次去都係叫佢既炸野, 原因係..........呢d野屋企唔會整, 亦唔識整, 更唔想用一镬油.

我唔會話佢真係超好食, 但係整體上, 每個餸都幾好食的, 價錢亦唔貴, 所以係一個唔錯既選擇. 當然, 你要食裝修既就真係唔好去啦, 呢d係檔仔黎咋, 但係就真係夠镬氣囖.

今次d 九肚魚唔夠大條, 上次大d好多, 正. 個韮菜豬紅我同亞嗲平時都好想食的, 所以見到佢有就叫啦, 我嚴佢唔夠咸, 再濃味d會好味好多.

個通菜牛幾好味, 夠晒镬氣, 好少食牛肉, 所以一有得食又好似放監咁, 好想食好鐘意食.

好耐無食鱔啦, 而家自己係街市買半條鱔都成舊水, 所以出街食抵d. 好肥好好味, 嚴佢唔夠厚身啫.

瀨尿蝦係亞嗲話想食的, 我講明話, 我唔meet殼架, 佢話佢meet咁先肯叫.

4個人都好鐘意食............食得好滿足!!

* 佢係登龍街的.

海馬蛋糕 - 矮仔版

前幾個禮拜已經想食, 今日終於忍唔住整左, 但係............仲矮過之前整個幾次, 不過矮得黎又無之前個d咁實喎.  anyway, 都係失敗既, 唯有...........食晒落口下次再黎過啦.

蕃茄牛 - 撈飯一流!! (附食譜)

好耐無食過蕃茄牛肉啦, 一路工人都有煮蕃茄蛋, 但係…… 我俾佢既食譜係有洋蔥係度的(係網上print出黎的), 整出黎既味我第一次食就鐘意, 但食得多就唔鐘意啦(個味係西式的).

我都係鐘意食呢個由細食到大既蕃茄味, 尋晚想食, 所以就叫工人準備晒d材料我今日lunch自已煮啦(其實我都唔想煮, 因為小冰考試, 唔想做其他野).

煮完出黎好期待(因為要等工人煮埋d菜), 因為真係有幾年無食呢個味啦……… 大兵同小冰都鐘意食, 係咁”筆”黎撈飯, 最後呢碟野清晒. 佢地同我一樣都係鐘意食呢種蕃茄味多過那個食譜既蕃茄味.

食譜:

材料:

1. 蕃茄              3個(切粒)

2. 碎牛              $15

3. 薑                1片

4. 蔥粒              隨個人喜好

牛肉調味:

1. 鹽                適量

2. 糖                適量

3. 豉油              適量

4. 水                適量 (因為工人無落水,

                    所以d牛肉會痴埋一舊舊的)

煮餸時的調味料:

1. 鹽           小許

2. 糖           約 7.5 tsp (我用那隻spoon係大過tsp

               的,我落5更, 所以呢度都係大約份量, 其實

               都係因應個人口味而調較)

3. 水           適量(視乎你想要有幾多汁)

做法:

1. 先燒熱油, 將牛肉下镬炒至5成熟取出.

2. 再燒熱油, 下薑片爆香.

3. 下蕃茄粒, 炒幾下落鹽再炒勻.

4. 逐少加入水, 見d 汁滾起加糖後兜勻.

5. Come蓋煮一陣等d汁收一收佢, 令個味濃d, 後然下牛肉兜勻.

6. 見牛似9成熟便可以下蔥粒, 再兜勻便可上碟.

低能仔order早餐

今晚要出街食飯, 坐車時6點幾好鬼死塞車(係塞到爆那一隻), 咁好自然我同亞嗲就係車傾計啦. 

亞嗲話:  我肚餓, 今朝食左6塊麵包都唔飽!!

我話:   吓, 你食左6塊麵包咁多?? 邊個俾咁多麵包你食架? 我都無叫工人加麵包俾你? (我叫左工人俾3塊亞嗲, 我就因為5月時食膩左, 所以只食2塊夠了, 但我無減到亞嗲既份量, 而亞嗲亦無同我講叫工人加俾佢.)

亞嗲: 唔知呀, 工人俾我既.

我: 無理由既, 佢唔會無啦啦加俾你的.

亞嗲: 係呀. (佢意思係真係工人自己俾我架)

我: 我焗一機麵包先得9塊, 你一野就食6塊, 咁我每日要焗幾多機麵包先得呀? 若2隻野又好似你咁食法............咁我點算呀??!! 你知唔知6塊麵包真係好跨張架??

亞嗲: 係呀, 真係咁厚架(佢用隻手做個手勢出黎).

我: 咁咪係囖, 你食咁多仲要話唔飽喎!!! 難為我今日lunch食一個杯麵咋.

亞嗲: 我都係食番少d了, 咁食法唔對路, 食極都唔飽.

番到屋企, 我去沖涼時, 亞嗲係度問工人做咩俾6塊麵包佢. 我聽到工人話係佢叫的. 跟住佢先知道係佢叫工人俾6塊佢既. 你話有無人好似佢咁白痴呢??!!!

另外, 關於早餐麵包, 仲有野好好笑既.

亞嗲每日番工都會打起碼2次電話俾我的, 有時佢問我飽唔飽, 有時我又問下佢個朝既早餐好唔好食(因為我一轉新野就會問佢的). 有次, 又係整新野啦, 咁我又如常咁問亞嗲.

我: 今日d 芝麻醬麵包幾好食呀何?

嗲: 係呀, 幾好.

我: 佢最好係唔太甜但又有芝麻味.

嗲: 係呀, 佢唔係咁甜.  但係點解我只係得d麵包皮既??

我: 咩話?

嗲: 係呀, 我得一塊麵包係正常, 其他2塊都係麵包皮咋.

我(係度勁笑): 係咩? 工人從來都無俾麵包皮我架喎, 原來佢俾晒你呀? 哈哈哈哈.

嗲: 係呀, 已經好多次啦, 我都覺得怪點解咁多麵包皮既!

我: 係咩? 已經好多次添呀? 但係我一次都無食過喎, 你唔講, 我都唔醒起有麵包皮呢樣野添. 我無叫工人俾麵包皮你架, 係佢自己俾你咋, 唔關我事. (我已經笑到死左!!)

 

死人 "香港身痕" - 見一镬鬧一镬

我一路好多年都係用緊x線既寬頻既, 網上好多人話佢地衰話佢地賤, 我都仲可以頂得住(因為我會打去鬧爆佢). 到最近搬屋諗住橫掂都就黎到期, 索性轉去第2間公司啦.

我特登去左搵個d 街邊檔去登記個pk 香港身痕, 仲約埋3日後上去裝.  點知, 到裝既前一日我打去問, 先知道話上手有問題, 所以裝唔到. 我已經好主動咁問佢地話我要點樣做先可以解決到個問題幫我裝, 佢地講一d野叫我做, 但係我無辦法可以做到. 咁搞左幾日, 次次都係我打俾佢地, 又呢個又個個, 問問問, 又要我等佢覆. 我已經係慶到發顛咁好大聲鬧佢地, 因為件事根本就唔關我事, 佢地又唔會主動同你去跟, 我主動offer埋俾錢佢地做deposit都話唔得, 佢地既cs 除左一個男職員係真係負責任之外, 其他既cs同sales 我可以話佢地仲衰過x線幾倍, 賴皮, 軟皮蛇, 不知所胃.  所以我話過我唔會再考慮用呢間死人香港身痕的.

原本件事隨住我揀左pccx已經close file, 點知, 我就3日唔埋2日收到香港身痕既死人 sales call, 第一次打黎我都已經算, 跟住接2連3係咁打, 佢送上門, 我當然唔會放過佢.

頭先又收到一個呢間死人公司既電話, 我好大聲咁鬧爆佢, 鬧到佢自己話佢會幫我mark 低唔好再打黎. 我答佢: 你係先好講呀, 你地咁得閒日日打黎, 你地唔駛做架! 跟住就cup q 左佢線.

我講過, 佢得打黎一镬我就鬧爆佢一镬, 總之係呢間廢柴公司打黎既就鬧鬧鬧. 鬧到佢既職員識得mark 低 呢個號碼係顛婆所有, 生人勿近為止!!

我知邊個用緊既話我一定叫佢轉轉轉, 唔好幫襯呢間死人垃圾公司. 不知所胃!

Another 花型腸仔包

最看似容易整既腸仔包(卷裝), 我永遠都整唔靚少少的.

另一款既花型腸仔包都叫做收得貨. 但2隻野話上次那款好味d喎, 好似多d腸仔喎. 我話, 痴線啦, 都係用一條腸仔咋喎, 點會今次少d腸仔既呢??

昌龍清湯腩 - 柴灣運動場 (把鬼.......)

之前亞嗲個同事都話呢間野既清湯腩好食, 但係唔知點解……… 我無咩意慾去試喎. 直至見到小儀個節目話好食, 咁就好啦去試下啦.  第一次去係節目出街之後2, 3日度, 特登搭車去食, 去到見到排晒隊, 所以我地唔鬼等啦, 因為個時 d人剛剛先埋位, 要等佢地食完起碼成個鐘, 咁就走頭啦. 所以上次就轉左去威利華食啦.

跟住有個sat, 工人放假, 所以又特登去食啦, 今次就係6點半度去到, 剛剛有位(之後d人黎到都要等位), 我地就叫左上面咁多野.

D 清湯腩……………… 嘩, 淡過船灣淡水湖既水……… 無咩味的, d清湯腩反而都叫做一般, 起碼唔係食香口膠咁.

其他野全部都係咁上下, 無咩味, 好淡, 咖喱又係咁, 係得個辣字, 無咩咖哩味的, d味道既層次係好表面的.

亞嗲話d 蕃茄湯底ok, 但係我都嚴佢淡, 唔夠濃味, 我唔鐘意. 

亞嗲話d墨魚ok喎, 我無試過, 所以唔知.  基本上呢間野係………一定唔會再幫襯的!!