今日又整左2粒鐘先整完, 但係其實唔駛2個鐘既, 快左少少咁啦.
呢個裝飾既樣上次食完第2個蛋糕之後已經想咁整, 但係而家整完出黎都同我心目中既差d. 因為個蛋糕面太細啦, 所以唔夠位整. 今次中間放左多好多生果同杏仁粒, 唔知又點呢? 其實我覺得整cream cake好似做勞作咁 which 係我最弱既一飯!! d cream 仲係整得好差, 整唔平既. 今次特登又整番d cream無打得咁實, 因為上次打得實我覺得食時唔夠軟綿綿.
今次呢個蛋糕係3個裏面最好食的, 個蛋糕最鬆軟, d cream 亦都變番軟綿綿, 呢個係最好食. 下次d cream 都要打到咁至得. 至於個蛋糕點解咁鬆軟就真係唔知道了!!
聽日又會整一個, 係栗子蛋糕, 呢10日以黎, 差唔多格日就食一個cream cake, 真係跨張!! 上面呢個cream cake 我磅過有成590g, 差唔多成磅半, 真係完全睇佢唔出有咁重, 我仲成日同亞嗲講話呢個係一磅添, 一磅之後, 我都唔敢出聲!!
** 頭先係網上睇人地整左thomas 蛋糕, 大兵同我講: 媽咪, 我諗你都可以整到呢d thomas蛋糕架. 我答佢: 大佬呀, 我點整到呀, 你當我萬能既咩!! 佢仲死要話: 唔係呢, 我覺得你得架!! ........... (我都費鬼事答佢, 都short short地既!!)
