第 3rd 個蛋糕 (6吋)
食左啦, 呢個朱古力蛋糕先係我要既野, 不過仲未夠好, 我下次再改下佢添. 尋晚食左好味, 下次會encore.
第2個蛋糕 (8吋)
第2th個 (8吋)
由10點幾整到下午成6點, 中間係去左買餸同食lunch(係屋企食添喎)咋, 完全無停手. 第1st cake 就速遞左俾我細佬, 個賤人話一睇就知我整架啦, 咁核突, 頂佢呀. 咁熱d cream 溶得快之嘛!!!
原本想整個黑森林俾我細佬佢地既, 但係因為上次既黑森林蛋糕出黎既效果我唔滿意(唔關我事, 係個食譜唔係我expect個樣野), 所以今次試下自己改良個食譜, 由於係試驗品, 所以咪整番個最穩陣既生果忌廉蛋糕俾佢地就算啦. 原本想整個自家制麵包同買d 蟹叫工人炒左拎埋去俾我亞媽佢地的, 但係由於時間唔夠(整得俾佢地黎整唔切我地既晚餐), 所以就咁拎蛋糕去算啦.
由於無特別去買咩生果整蛋糕, 所以就只能係我之前一晚係pk度買既6種生果入面取材(富士蘋果, 華盛頓蘋果, 香蕉, 紅提子, 奇異果, 橙), 基本上得2種叫做可以用. 所以個裝飾都係得咁咋, 無咩野可以整到. 所以咪咁桃突囖, 哈哈哈.
到第2個蛋糕(一次過焗晒d蛋糕先, 然後先裝飾), 個人已經倦啦, 又無咩裝飾材料, 所以就求其啦. 前2日買左支顏料, 所以又走去玩下啦, 但係........... d cream 發到周圍都係......所以都未發得夠就唔發了, 掉佢入freezer睇下可唔可以雪實佢黎用算了. 結果係點, 大家都見到啦, 咪就係唔得囖, 一pat咁!!
第3個蛋糕出場啦, 呢個叫做比較驚險, 因為唔夠cream, 全屋都無晒甜忌廉啦, 所以一路唧則面時一路同小冰講, 死啦, 唔知夠唔夠呢, 唔夠就大件事了, 唔知點算. 所以後尾都好慳住咁唧, 都好彩, 叫做僅僅夠唧得晒個則面. 咁..........個面點算呀?? 由得佢啡色一個圓圈呀? 咁又唔係幾好喎........左睇右睇, 終於俾我搵到少少剩餘物資啦, 就係之前個cake多左出黎既cream, 我好開心咁用佢黎查上個面度, 頂到有簿簿既一層白色. 加埋d 朱古力上去, 搞掂, 終於可以收工啦!!
一次過整2個蛋糕(一個俾左人食)既原因係因為我諗住呢度夠食3日, 咁weekday就可以唔駛放工番去整但又有得食了. 整完呢3個蛋糕既感想: 我好想去深圳dup骨呀, 2邊博頭好倦!!
