今晚食咩餱 - 2012年5月7日

1. 燴星班
2. 白菜炒叉燒
3. 梅菜蒸豬肉

今晚食咩餱 - 2012年5月6日

1. 蕃茄洋蔥青酒煮青口 (睇電視 "賜"哥教既, 佢用白酒, 我屋企無, 所以用清酒)
2. 白菜炒豬頸肉
3. 白灼蝦
湯: 南北杏蜜棗青紅蘿蔔排骨湯

今次係試呢隻青口, 都係唔夠澳洲那隻咁好食. 

血壓計都玩得一餐死的!!

買左呢部機送俾人, 係未交俾佢之前, 我成機開黎玩下啦(當然明知收貨人係唔會介意先開黎玩啦), 仲要好興奮咁叫埋小冰大兵一齊玩.  一開, 梗係我一馬當先試下玩啦, 呢個就係我既血壓啦, 跟住到小冰玩, 然後到大兵, 大兵玩完之後又到番我玩, 跟住小冰又玩, 係咪白痴呢!!  未算呀, 到亞嗲番黎我又拎出黎叫亞嗲玩, 亞嗲玩完我又再玩, 跟住又到大兵, 我同大兵每日玩左2個round, 跟住先收番埋佢咋.  

大兵既心跳係62, 我係67.  當我未玩時佢話佢62係好健康, 62係for d 長期有做運動既人先會比正常人少d喎(亞嗲都話係). 好啦, 我當時無反對的.  到我再玩啦, 咁我67, 我話, 我長期無做運動只係高你5下咋喎, 跟住大兵就死話唔係咁計的, 我話, 你62就話健康正常, 我67就話有問題, 跟住就鬧左一輪交啦(唔係黎真, 係玩個隻啦).