今日當然要再接再厲試另一款飽啦, 今日揀左提子方飽, 我鐘意食的, 所以就揀佢啦.
今日因為個客遲左差不多半個鐘頭先黎, 所以搞到我遲左收工. 由於我想係訓覺前切埋教埋個工人點樣切d 方飽, 所以就趕頭趕命咁撲番屋企. 番到黎連飯都唔食, 即刻將d材料放左入機先, 因為要整成3個幾鐘頭, 整完又要灘凍一陣先切得, 所以要………勁快!
講你都唔信, 我已經叫工人一早將所有材料準備好放係檯, 我淨係量d材料都足足量左20分鐘(因為我一路量, 一路又磅幾多g, 所以就咁慢啦. 我超憎佢咩都話幾多cup黎做份量, 所以我要轉晒佢做g呀!!!) ,真係唔知搞咩要咁耐!! (最後都發覺落漏左糖添, 死未!!)
開左機之後, 我先食飯, 見到d粉開始攪時就攞部機影低佢, 睇下成個過程係點樣的(呢一part尋日都睇唔到). 而家進行緊第一次發烤.
片Part 1: http://www.youtube.com/watch?v=qpQd6-xGSz8
片Part 2: http://www.youtube.com/watch?v=SwBjG15t6qk
片Part 3: http://www.youtube.com/watch?v=k92h74cqaxo
片Part 4: http://www.youtube.com/watch?v=AotZqhzgX_E
係呢個時候(剩番2小時24分鐘), 麵團仍然係好細的.
但係40分鐘之後(剩番1小時44分), 個麵團已經發到好大啦!!
