由於由12月已經叫大兵溫書,到而家都1月1x號啦, 我因為溫書足足困左成個月, 我真係就黎顛. 我真係無心機同小冰溫書, 所以就叫大兵同小冰溫.
我同大兵講, 佢第時大d都要去幫人補習賺錢幫補屋企, 所以而家佢實習下點樣同人補習啦. 我叫佢幫小冰溫數學, 我叫佢出題目俾小冰做, 佢錯左就教番佢. 佢個死野, 粗聲粗氣咁教小冰. 我話, 你第時去同人補習, 你咁樣教人D仔女, 你一堂之後就實俾人叮走啦. 佢話: 我唔同佢幫添呀.(死得佢呀, 以為佢好多客咁喎)
於是我就坐係度, 一路睇大兵教小冰, 一路係度TUNE大兵同人補習既SKILL同埋態度. 一黎我唔駛同小冰溫書, 因為我真係無心機同佢溫, 佢係一個超唔小心既人, 溫黎都係SIDE我時間同心機. 所以就將個波交俾大兵啦!
沒有留言:
張貼留言