上星期我同事走埋黎俾左呢粒合桃我, 當時我講緊電話, 我一收線就即刻問佢:係咪假架? 佢話係呀. 點解我會話佢係假, 因為我同事以前長註廣州的, 佢之前都話曾經試過係廣州買到d假既合桃, 佢話真係好似的. 佢買之前個小販仲開左一個黎俾佢睇tim. 所以佢咪買左一斤番去食啦, 番到屋企一開, 假既. 再開埋袋入面其他既都係一樣係假既.
點解佢會俾一粒我, 事緣係佢上次已經話,最衰個時掉晒, 因為留番d黎記念下, 因為整得真係好似的. 我話, 吓………整假既合桃都要成本啦, 又要整到似, 個重量都要有喎, 都真係幾難喎, 咁都好呃?!!
今次有機會開眼界, 當然睇真d佢同真既分別啦. 摸上去係無咁 “鞋”的,佢係比真合桃重身d的. 當你知道佢係假時, 你望真d個殼,你就會睇到佢係同真既殼係有分別的.
我另一個同事攞左一粒番屋企之後, 叫個仔開黎睇, 點知……………呢個 “kim” 都整爛埋, 你想像下佢有幾硬呢!!
我唔捨得開呀, 因為一開左就會掉啦, 想放係度留念!
係咪用石仔做架 d大陸人個腦真係生埋一邊, 專諗奇奇怪怪野呃人
回覆刪除我唔知佢真正用咩材料做, 但係個手感唔似係石仔(我指個表面), 因為係無真既合桃咁鞋的, 滑d架. 有少少(但係真係好少)膠既感覺, 類似樹脂, 個d質感的.
回覆刪除