呢部機想買左好耐, 耐到係15年前已經想買(嗰時應該係第一代啩), 個時係差唔多3千蚊一部, 當時都幾乎買左架(因為有人和議), 只係我覺得好敗家, 又怕自己3分鐘熱度, 所以嗰時無買到.
其實耐唔耐都係網上面見到人講都心思思想買的, 但係成2千蚊, 所以都係算啦, 再諗清楚d先啦, 又未食過佢既出品, 擔心個效果唔知值唔值呢個價錢. 係呢一年係網上睇到個個有呢部機既人對呢部機既評價除左個價錢之外, 全部一致都係話佢好的. 不過, 都諗住遲d先買啦.
係星期六, 亞嗲居然係度gut我, 激到我好嬲, 所以我把心一橫就同佢攬住一齊死 – 我要買麵包機!!! 亞嗲以為我講下, 後來佢知道我係講真既, 佢都唔敢再出聲. 以前佢會話2000蚊用黎買麵包食都食死你啦, 但係今次佢無咁講.
呢個故事教訓d男人, 女人顛起上黎唔係人咁品的, 所以最好就唔好激嬲d女人, 否則佢死得仲慘烈!!!
買左番黎, 當然第一時間試機啦, 個樣整出黎都幾得喎, 幾正, 我覺得部機好神奇……………佢可以真係自己搞掂晒所有野整到個麵包出黎喎!! 真好玩!!!
聽你咁講，我都覺得佢好神奇
回覆刪除[版主回覆03/07/2011 12:37:00]到而家我都依然覺得佢好神奇, 我尋晚仍然係坐係度望住佢打粉, 發烤, 我覺得好好玩. 你只要識得量d粉入去, 9成幾你都可以整到個包出黎的, 失敗率超低. 就算我話整出黎唔夠好個d, 都絕對係食得入口的, 只係做得唔夠好.
考慮買番部啦, 真係好爽!
你好呀!! 因為忽然想買麵包機,周圍搵資料而走左入黎!!
回覆刪除象印/kenwood都係我考慮之列..象印(日本牌子)-接近成二千蚊,kenwood(英國牌子)-就一千都唔駛...所以好煩惱!! 都唔知買邊部好......
我其實最想係panasonic麵包機的..但香港冇得賣,見其他blogger都要郵購先買到,仲要用變壓器先用到...好似好麻煩甘呢~~~
[版主回覆03/08/2011 13:44:00]sorry, 尋日yahoo死左覆唔到你.
我自己開頭都有因為象印貴而想買kenwood的, 但係一黎kenwood部機大, 唔靚仔, 二黎係見到好多人用象印都話好. 我見到唯一既唔好評語都係話佢貴啫, 無其他 -ve 既野. 而俾左2xxx蚊都仲好開心話好用既comment就真係見到好多.
加埋我見到佢個size 細好多, 靚仔好多, 所以就決定買佢啦.
panasonic 我前兩日見到人地個blog............ 見到佢仲多左一舊變壓器, 更加唔敢諗, 因為無地方嘛.
我最近都買左部象印麵包機, 佢真係好神奇,落晒D材料3:45就新鮮出爐左一白麵包, 不過D都包皮好厚同好深色, 可唔可以拍教下, 唔該晒.
回覆刪除[版主回覆09/02/2011 13:39:00]我初頭都唔滿意佢既皮, 但係係網上問左人之後就完全改觀了. d 高人教, 點解麵包機整出黎既包個皮係un un地, 唔同街買個d既, 原因係街買既落左d 化學劑落去, 自己屋企做梗係唔會落呢d野啦, 所以個皮un un地先係好野. 聽完之後我都要經過一個禮拜既時間, 先可以接受呢種口感. 另外, 你話好深色同好厚, 我諗你可以試下提早7-10分鐘將個麵包拎出黎, 咁樣會好好多. 我個麵包機準時拎出黎既包無呢個問題, 但我最緊都係網上聽到有d人有呢個情況, 唔知係咪大家既要求唔同, 定係唔同機既爐溫有出入(焗爐都真係有呢個情況的). d皮厚, 就係因為焗得越耐, 先會係咁的. 你可以試下啦. 我雖然好耐無出post講包, 但係我其實每日番工既早餐都係自家制既包.