今日係呢個新玩具剪彩既大日子, 好開心, 屋企所有材料都齊晒, 所以就可以即刻試機啦. 全程需時3小時, 係就係耐左d, 但係………都ok啦,因為我試過一次自己搓粉, 到而家都仲好有陰影, 因為嗰次真係搓到手軟手痛, 腳軟腳麵痛埋, 最慘既係出黎d麵包係完全唔得既, 嗰一刻真係想斬人呀!!
我一路睇佢郁, 一路打開個蓋黎影相, 幾好玩. 睇見佢有變化, 又叫2隻野一齊睇, 覺得佢好神奇, 可以真係由粉變成一個飽!! 佢2隻野都覺得好好玩呀!
初頭見佢個兜咁細, 諗住整出黎都唔方多, 但係切完之後, 咁既厚度都有成9塊喎, 又真係唔太少喎. 同埋切呢個厚度有個好處係麵包味仲濃郁d, 口感重d. 可惜既係牛油味過重(因為個食譜係以湯匙計, 咁我又無溶到d牛油, 所以都係大約就算. 下次減d牛油既份量先得. 大兵, 小冰同亞嗲都話d飽好食(不過都係牛油味過重啦).
而家慢慢開始跟機既食譜整, 摸熟左之後先學人玩造形飽啦!! 期待! 期待!
係食晚飯之前, 亞嗲已經叫左工人話由聽日開始, 佢都帶麵包做早餐. 係9點幾佢試左食d 機神麵包之後, 佢個8公托住成碟麵包去廚房搵工人, 話俾佢聽, 佢聽日既早餐係要呢d麵包, 而唔係屋企仲未食晒既嘉頓方飽. 佢好似驚死工人搞錯咁, ling埋去俾佢睇, 費事佢搞錯! 真係俾佢笑死我! (當然我第2朝既早餐就係嘉頓方飽啦, 唔係我食邊有人食埋佢呢??!!)
good 嗎 ?
回覆刪除[版主回覆02/28/2011 23:21:00]若以完全唔駛自己郁手去整計, 超good!! 若同街買比, 算ok good的! 起碼無落好多化學野, 但係都軟熟的. 剛剛食左新鮮出爐既提子包, 個皮(底) 好正, 因為係脆脆地架, 脆得黎一d都唔硬架. 我諗呢個feel 要好似我咁出爐20分鐘內食先可以. 個包入面係好軟熟既, 但係個皮有脆feel, 真係好正!
完全同意, 我就係唔想食 化學野既麵包, 所以考慮買番部麵包機黎做麵包~!
回覆刪除[版主回覆07/04/2011 11:31:00]其實買左番黎之後, 你就可以整好多唔同既野, 麵包, 做型包, pizza, 麵, etc, 好多野玩架.
如無意外，我聽日就可以接佢返屋企啦，好期待呀~! 謝謝您的意見~!
回覆刪除[版主回覆07/04/2011 15:38:00]點解唔即刻搬佢走呀?? 我個日係即刻自己攞走的, 因為我心急, 等唔切啦要即刻番屋企玩.
我都好想即刻搬佢返屋企, 但可惜今日要上堂, 所以去唔到接佢喇, 好想即刻試下用麵包機做麵包~!
回覆刪除您好! 我已經買左部機返屋企啦，用過3次，十分好用。不過部機好重，我搬返屋企時，搬到半條人命。
回覆刪除[版主回覆07/18/2011 20:40:00]得番半條人命唔緊要, 一開著部機就會金精火眼的啦. enjoy!
我想問下呢,部機辰是否唔駛自己搓粉架,見到你整好得意呀
回覆刪除[版主回覆03/06/2012 08:50:26]YES, 你除左放d 材料入個兜入面之外, 其他咩都係全自動的. 放完材料, 3個多小時後便會有麵包食的, 中間唯一要做既就係等等等.