豆鼓雞

前兩晚睇左馬仔入廚那個節目, 睇完好想食呢個豆鼓雞, 所以又唔蝕底學人煮啦.

煮完出黎好香, 食落個汁好正, 因為係一個濃味既餸, 所以非常合我心水.

材料:

干蔥  適量(切片)

薑    一片

雞    一隻 (斬件)

豆豉  適量

煮法: (我記唔晒人地係點煮, 我只係憑我既記憶再加自己既做法咋, 想要跟足馬仔那個師傅就要去睇番那個節目)

1.  先將雞醃好(我自己因為懶, 所以醃過夜, 但係落少d 鹽, 因為怕太喊) (我用鹽, 糖, 紹酒, 粟粉(最後落))

2.  豆鼓洗淨, 格水, 落少許糖及油蒸5分鐘. (蒸完出黎已經好香的)

3.  油滾後, 煎香塊薑, 再落乾蔥炒香. 加入雞塊炒幾炒.  加少許蠔油, 豉油及豆豉至9成熟 (需要加少少水唔係炒唔熟, 同埋要熄火come蓋焗一焗佢,咁樣d雞會無咁老喎). 讚白酒再炒, 乾身後加入粟粉水埋獻.