幾年之前都聽過羅漢果茶呢樣野, 最近又係bk睇到呢個topic, ok, 今次終於抽得起我條筋去試下整了.再係網上面search 下原來最近亞"次"哥個節目都教左,仲話飲左6年可以將乙型肝炎都meet甩埋,又真係幾好喎,雖然我無乙型肝炎.
我見人地都話要將個殼 “練碎”佢的, 所以我試下將佢放入部機度打爛晒佢, 我諗會更出味(唔係想出味應該唔會叫人練碎佢啦). 又其實原本我係諗住將佢磨碎的, 但係又係因為工人今日放假, 我懶攞個磨機出黎, 所以就加水入主機攬爛晒佢算數.
原本既份量係4個羅漢果10斤水. 但係………一黎我怕唔好飲; 二黎, 我情願d野新鮮d, 所以我只用一個羅漢果加2.5公升 既水(大約啦, 唔跟足佢十斤既比例啦, 我又怕d味唔好飲).
而家煲好啦……… 一陣試下好唔好飲先……我係網上找到些資料.話佢對於高血壓,便秘,糖尿病等好多野都有幫助的喎.
呢條link係有另一些羅漢果用黎煲其他野既食譜: http://www.guangming.com.my/node/36807?tid=8
羅漢果茶條片係呢度: http://www.youtube.com/watch?v=VT_xN7oxxjM (因為今次無人幫我影, 所以我唯有單手影咋, 效果會差d, 請見諒!) (另,若要用個主機攪爛佢,唔好落咁多水,我今次落左超過1升,應該1/3升夠晒了.)
* 試左啦, 入口甜, 跟住甘架…………都幾甘架……細路仔應該飲唔到, 因為我都覺得……唔易飲.
** 找到個較易飲落肚的方法: 你一ready 好就即刻成碗一口氣飲晒佢, 跟住再即刻飲啖水"浪"下個口, 就ok了.若你一碗分十次黎飲,那你就要"甘"足十次, 好大獲的.
*** 呢個羅漢果原本好靚的, 但係係我老公買完番黎臨入門口時, 成個羅漢果跌左落地下, pop一聲............ 裂左..... 所以你見到張相入面既羅漢果係有刀疤的.
****羅漢果要搖既時候唔好有聲先係靚. 同埋若佢可以好似乒乓球咁識得彈下彈下既即係靚羅漢果喎.
沒有留言:
張貼留言