檸檬樹 @ 2014.5.24 - Part 2 (不斷更新:2014.6.30

2014.6.22

(今日D 相全部都係我影的. 好明顯靚好多啦. 最起碼對到焦先呀!!)

呢一棵都係檸檬黎的, 係棵大(其實都唔係好大)檸檬到剪出黎架, 當初諗住係屋企種, 所以嚴佢高得滯, 剪矮佢.  貪得意用棉花濕水包住佢等亞爹試下種埋落地睇下生唔生到.  頭2星期都順利, 見佢無死既蹟象, 以為成功啦, 點知後來見到佢D 葉卷埋, 又有D 黃, 咁打定輸數佢DIE HARD 啦.  點知, 無理佢一星期, 我去探佢時, 見佢D葉又打開番晒喎.  亞爹話好神奇.  到今日(UPDATE時係2014.6.29都仍然無再卷埋), 我希望今次真係成功啦, 你見到以下呢張相, 最高那一塊葉係大塊左的.  當日我剪出黎時, 塊塊都係差唔多大咋, 好似真係有生還蹟象.  但係佢以後可以點樣發展都真係考起佢, 因為佢無得長高, 只能向橫發展.  平常心, 順其自然啦, 或者有意外驚喜呢!

2014.6.24

2014.6.25

 2014.6.26

紅色圈住既, 係成日都走黎既"棉花怪", 因為次次都會有D 好似棉花咁既野痴住佢的. 都唔知咩野黎, 亞爹唯有用火燒, 用殺蟲水噴 先死咋, 仲要次次走甩一隻. 亞爹話佢走得勁走, 可能係火星黎架喎.

2014.6.30

今日有壞消息呀, 掉左4粒果落黎, 唔知係咪剛剛呢一次落肥落得多左呢? 定係自然定律, 一定會甩敢D黎令其他果生得更壯呢?? 唉, 希望唔係關D 肥事啦, 否則都唔知甩剩幾多粒先會停!! 一年先開2次開, 下一次開花又有排等!!