迷你蕃茄 PART 1 - 不斷更新 - 更新日期"2014.2.11

又係無心插柳, 無諗住買棵蓄茄黎種的,1月頭同亞爹行花墟時, 差不多行完諗住番轉頭睇下D 士多啤梨, 揀一盆買啦. 點知俾我見到D 蓄茄, 基於諗起士多啤梨可能會有蟲, 為免出事, 加上D 茄蓄又好得意, 所以都係轉呔買蓄茄好了.

初初買番黎係咁既樣的 (下圖) 2014.1.12

而家睇番D相, 先記得個頂頭原來當初買番黎時係好多花的.

 2014.1.27 

睇下, 15日後後, 頂頭D花結晒果啦.

  

 2014.2.1

今日幫佢地剪頭髮, 順便睇下D 蓄茄(果實)得未, 因為根本唔知呢D 蓄茄係咩色的, 上網睇到人話, 有綠色既蓄茄架, 所以今日摸摸佢睇下點, 順便幫佢影埋寫真集.  最大個粒哩係最入面, 所以要拎起塊葉先睇到架.  特登用個一蚊銀黎做對比, 其實佢而家都已經長到幾大個啦, 仲好似有少少變色添, 真係期待最終呢棵蓄茄究竟係咩色既呢.

睇下, 結左好多果啦, 我數極都數唔到, 
因為周圍都有數到亂晒籠.

2014.2.3

  好明顯變左色啦, 而家再睇下係橙色定係紅色, 好靚, 好開心呀!

2014.2.4

 

2014.2.5

 今日有多一個變橙色啦.

 

2014.2.6

2014.2.11

由於D 蕃茄一日一日長大, 而佢又生埋一邊, 為怕佢太重而成棵連根倒下來, 所以我用D 木筷子同"醒"黎拉番佢正少少. 好得意, D 新蕃茄會有毛的, 大大下先無晒. 仍然都係得2個蕃茄紅色咋.  我前兩三日想摘黎食, 但俾亞爹反對, 話要食樹上熟, 等佢自己熟左跌落黎先執黎食喎.  我話, 會唔會熟到爛先跌落黎架, 佢死都話唔會. 我每日都有留意佢個軟度, 若見唔對路就會下毒手摘佢落黎, 免白費心機嘛!