上面張相總共有6樣野, 但有4樣先要俾錢買, 有2樣係贈品黎的, 仲要成張單只係買$127.5 但D贈品既價值都要30 - 40蚊.
點解會買咁少野又有咁多贈品(比例上計係算多贈品的), 原因係今日買滿99蚊個人護理產品送一枝煮食油(其實我都係見個贈品有用先睇下有無野要買咋, 贈品唔合用我都唔考慮), 咁由於我無咁多野買到, 所以同小冰係萬0逛下睇下仲有咩可以附合資格的, THEN 發現沖涼液係其中一樣個人護理產品, 咁咪睇下買邊隻湊夠佢99蚊LA.
點知係沖涼液個到又見到另一個牌寫住買滿88蚊沖涼液就送一枝SWIPE, 咁又同小冰係到左揀右揀, 左加右減咁研究買邊隻同買邊枝黎湊夠條數囉. 最後就買左上面個幾枝了. 上面WALCH 個2枝好香, 仲要唔駛30蚊一枝幾抵, 所以就買2隻味黎試下啦.
袋好晒D野之後走啦, 因為個日我本身都買左D野, 所以係拎住幾耐野的, 過過下馬路突然間諗起, 頭先放野入環保袋個畫面好似唔見支SWIPE喎, 咁我睇下個袋啦, 真係無, 咪走番轉頭問收銀啦. 跟住佢就俾番支SWIPE我. 我仲要話買滿88蚊送的, 佢要叫人去睇下佢先知. 俾完支SWIPE我之後, 佢仲叫STAFF除牌, 即係我呢一隻SWIPE係最後一枝贈品了, SO LUCKY呀! 我同小冰就好開心咁拎番屋企了. 亞嗲放工番黎我俾亞嗲睇, 亞嗲都話抵呀.
可能係6月尾先考試, 所以我好有心情咁同小冰係到研究點樣可以MEET到晒2個TARGET得黎又係最SO的, 所以都同小冰玩左好耐. 小冰就好似個小職員咁, 不停咁SUGGEST我買呢枝個樣呀咁, 跟住我又叫小冰聞下個味鐘唔鐘意, 2個係到玩左成30分鐘先搞掂. 咁玩法, 真係想有老人痴呆症都幾難, 因為真係想最抵最盡, 係要好花心思的呀! 而家都唔係最抵, 但........我盡左力啦, HAHAHA.
沒有留言:
張貼留言