好奇怪, 之前2篇, 無論我試左幾多次, 搞左幾多次都轉唔同咁大隻字但係紫色, 但係呢一篇一開波就可以轉到了(第2篇同第3篇係接住寫的), 個BLOG 好似知道呢一篇係好消息, 所以又可以打番D有顏色既字出黎咁, 有番D喜悅!
星期一番工, 一番到個位見到大大疊野係到, 但我每次放工都會將我前面正中間既位清晒的, 最多咪擺係則邊. 好奇地一望, 吓......................Y 又走左番黎做野!! 因為我見到D字係Y既寫跡黎, 全部D野都係佢工作既文件, 所以一睇就知係Y放低俾我的.
佢寫左張紙仔俾我, 好詳細咁話俾我聽佢要做呢個手術, 做完之後隻眼會變成弱視(好彩係弱視, 咁仲叫做唔係完全黑晒睇到咩都係黑色, 仲有D色彩, 我諗係咁啩), 交低D工作俾我幫佢跟. 由於佢放低左張醫生紙, 寫住1點做手術, 所以我個心入面就諗1點做手術, 應該12點幾已READY係病床啦. 咁應該下午可以有消息知道手術做成點了. 跟手就開波將Y既野分俾唔同既人去FOLLOW了. 再跟住就....................自己忙到不停轉, 已經唔記得Y手術幾時做完了, 因為一忙D時間就好快過的, 到我再停落黎已經係LUNCH. 食完LUNCH又繼續忙, 忙到咁上下W話Y打俾佢話做完手術了, 而家番屋企了.
我一聽到話, 吓, 咁快做完手術? W話係呀, 佢話做完啦, 而家番緊屋企. 我心入面諗, 咁快做完手術仲番得屋企, 好似個手術難度唔高先可以咁快. SO 應該可以放心了. 要做既手術已經做左, 而手術又順利, 真係叫做唔駛咁擔心了!
沒有留言:
張貼留言