淮山杞子花膠金華火腿煲雞湯 - 附食譜

 

 

好耐無飲雞湯啦, 因為好多時都怕有感冒而唔知道, 所以就費事煲雞湯啦.  到前2日活雞解禁, 加上放早同小冰溫書, 所以就買隻鮮雞黎煲雞湯.  飲完個次, 之後仲番尋味, 所以又買多隻黎煲啦. 今次揀左煲金華火腿, 原因好簡單 - 又係想清貨.  為左怕真係有感冒, 所以穩陣d叫人起埋皮黎煲.

材料:
1. 鮮雞 一隻
2. 淮山 8, 9片
3. 杞子 一撮(隨意)
4. 花膠 隨意
5. 金華火腿 3 - 4片
6. 薑 1 - 2 片

做法:
1.  用水將淮山浸半小時後, 沖水備用.
2.  杞子用水浸15分鐘, 沖水備用.
3.  將雞洗淨, 買既時候可叫人起埋皮. 將所有肥膏去掉.
4.  花膠要預早一晚以薑蔥煲滾後熄火, 不要開蓋, 到第2天才取出洗淨切細備用.  我這些花膠是一次過成袋煲好, 處理完, 分一小袋一小袋咁放係freezer備用的. 用時之前一晚解凍便可.
5. 金華火腿切片後沖水備用.
6. 煲滾水後將所有材料同下, 水滾後大火煲15分鐘. 然後轉中細火至水滾起(不需大滾), 再煲多3小時便可. 飲湯之前將所有面頭既油"筆"走晒佢, 加鹽即可飲用.

p.s. 今次又用LC 煲, 所以.............當然係好慳燃料啦, 因為真係開個電磁爐最細至尾二細火便可, 你諗下煲足3個鐘, 條數好襟計的!  同埋, D 湯真係俾上次用高速煲(但係無高速)煲既甜D的. 

上次煲既係淮山杞子花腸乾瑤柱雞湯.