由於換左2張免費入場卷而又係7月21號到期, 所以幾經辛苦先可以係今日去到, 因為又要就亞嗲放假, 同埋夏天多雨落.
由於之前兩日既天氣都唔穩定, 所以唔係好記得左要去op, 所以係之前個晚唔記得左當日要早d起身出發!! 去到既時候已經係10點幾lu!
由於好憎d big 6, 所以而家都少左好多去op了, 以前我試過每年去一次的. 呢2, 3年好多時都係亞公同亞婆帶大兵同小冰去op, 所以我免得過都唔去了, 費事俾d big 6掃我興.
個日去到, 見到op都唔同晒, 上次去(應該係前年4月)仲係整緊, 而家連個入口都改埋係上一層. 一入到去個景好開揚, 但係唔知點鮮有水上樂園既影子. 而家大兵大個啦, 所以叫佢揸住個地圖帶我地去啦, 佢想玩咩, 自己睇地圖然後講俾我地聽點行. 當然有時我地都會加意見既, 因為唔係淨係同佢黎玩, 我自己都要睇野架嘛. 好感恩, 今日雖然係好天, 但係都唔算好熱, 叫做好了. 我幫小冰帶左3件衫, 到最尾3件都因為出晒汗而要換. 水……我地飲左超過10枝水, 因為熱嘛. 反而又唔係太肚餓喎, 我地都無係入面食飯, 只係買左雞脾食咋.
個海洋列車(唔sure係咪咁叫)比想像中好同快, 因為有左佢既出現, 吊車既人龍比以前短左, 唔駛再排到死死下了. 但係萬眾期待既海洋館(大魚缸), 就真係令人失望, 個景觀太窄, 無以前咁大, 都係以前那個正好多, 呢個真係令人非常之失望.
係之前我已經係網上收到風, 所以叫亞嗲買左雨褸去玩熱帶森林, 排左大約45分鐘隊啦, 我幾大都著住雨褸啦, 亞嗲同2隻野都無著. 好彩我著左咋, 我真係俾人射中個心口, 若果無雨褸, 我真係由底濕到去面呀!! 小冰因為無雨褸而佢又坐係我格離, 所以都幾濕下(因為佢都中中地, 加埋我d水彈左落佢到嘛).
待續………..
沒有留言:
張貼留言