去左行jusco, 無啦啦俾我見到呢盒田螺殼只係賣..................10蚊, 我初頭都以為我睇錯, 但係我睇真d, 真係喎, 原價129蚊的, 而家係10蚊, 仲要得番一盒咋. 我問亞嗲買唔買好, 亞嗲話唔買啦. 跟住我話: 10蚊咋喎, 佢即刻9秒9改口話: 咁梗係買啦.
跟住突然醒起商務減價, 咁又走去睇下啦, 之前人地介紹我買既麵包書居然有75折呀, 真係好開心呀, 8折我都收貨啦, 居然仲75折添(唔係好多書有75折咁多架), 呢本書上次睇得9折, 而家160蚊一本有75折, 平左3x蚊.
另外個兩本就因為我見佢有d 造型包同 其他包, 所以買黎學下野啦. 仲有一本想買既但係又搵唔到, 激鬼死!
不過今日既收镬都好豐富.
沒有留言:
張貼留言