大喜屋日本放題 - 中環 - 上集

繼13號食到想嘔之後, 23號又被迫食多一次buffet. 由於唔想俾錢既人俾咁貴, 所以同我妹研究左好耐又唔貴既地方, 最尾揀左encore 大喜屋(中環店)食日本放題.  打去問佢, 而家仲平過上次(舊年7月時), 而家係178蚊一位咋.

一行7大2小(大乒小冰)入面(收錢其實係收8大1小), 有4個係廢既, 即係有4個係食好少野的, 所以就要靠其餘5個人去力"鯇"狂難.

訂左6點鐘那一轉, 我一去到就叫左個口號: 殺呀!!!!!!!!!! 然後就開始大c殺........

上次我至愛既甜蝦好食的, 但係今次就真係very ........... 麻麻地, 但係..........由於我一心想食甜蝦, 所以都無理, 係咁食食食食甜蝦.

因為人多(比起上次我地4個人), 所以可以試多好多野, 每款又唔駛食好多, 所以人多真係好辦事.  但係有時又因為人多, 所以明明係你叫既野, 一黎到我影完相, 已經被人搶左. 又或者好似我咁, 明明叫左天富羅蝦, 到我影完相之後發現..................無晒既??!! 頂........... 又要再叫多一次啦.

埋單$1729................... 我問亞嗲抵唔抵, 亞嗲話抵, 歸晒本!!

我同亞嗲講, 我都幾鐘意個種耐唔耐就係度狂食既感覺.................個感覺係.........你咩都唔駛理, 係咁好專心咁食食食食食, 食到死為止........... 好爽. 不過, 真係好耐唔耐就好, 太密真係會諗起都想死!! 上次食完cafe express 我都係僅僅放低左上次食到想嘔既陰影咋. 上個星期五同亞嗲講, 星期一晚要食自己餐, 佢即刻好大反應, 擰晒個頭過黎話: 吓, 又食!! (可想而知佢都食到仲係好驚, 我從未見過佢咁大反應的, 1x年黎第一次!!)

好, 又打嬴多一次勝仗!! 但係我就食到幾飽下, 不過都無上次去cafe express個度咁想嘔.......今次就成肚水, 因為d 西瓜, 好q 多都係我食晒的.

呢度d野食, generally黎講係中等水準以上, 所以以$178一位黎講, 真係好抵, 講真係cwb 食野, 好多時都要100蚊位啦, 好少少既200蚊添啦, 但係呢度連埋加一200蚊係任食喎, 又多款, 多上得快, d waiter 又成日都幫你換碟的, 所以呢度真係幾好幾好. 仲有汽水係任飲的.

因為每篇post只能放有限既相, 所以呢個topic仲有1篇淨放相的.  呢度2篇野所有見到既相入面所有既食物全部都食清光, 一件都無淨!!

呢個鴨腎佢地話熱既時候幾好食喎, but我無食過.

呢個我有食, 都ok呀.

上面呢一碟西瓜係甜既, 仲要係好甜添, 但係下面既西瓜就唔甜啦, 激死. 但係d 橙佢地就話超正, 好甜好好味.

我好鐘意佢呢個蟹粥, 好好味, 好綿.........叫左幾碗.