新鮮熱辣既新玩具 - 壓麵機

呢部機既出現真係多得我前晚去人地個blog啦, 我睇緊人地整意粉, 所以就叫亞嗲睇下人地部壓麵機, 跟住:

亞嗲大我話: 買囖(佢係好輕佻既口吻的, 睇死我唔會買咁).

就係因為佢呢d死人口吻, 所以我即刻答佢: 買咪買囖. 我都諗住係淘寶買一個番黎.

亞嗲話: 唔好買大陸野, 怕佢那層表面"道"得唔好. 會食死人. 

我: 咁係永安買呀?永安18號開始減價, 有7折(我當時係隨口up咋, 因為咁先夠平嘛, 係咪??), 折左都係4xx蚊, 平左好多(呢位blogger個時買只係3xx蚊咋!!!).

亞嗲再答我:買囖(語氣明顯收歛左).

講完之後我係那位blogger度留言, 講多謝佢, 唔係佢, 我唔會可以買呢部機啦. 

之後我自己諗下.............. 其實上一兩次睇過, 都係見佢8折, 唔會有7折咁平的. 加上我都唔係成日整麵, 所以算啦, 都預左唔會買的, 因為8折我唔會買.  尋晚都仲同亞嗲講緊, 應該都唔會買架啦, 點會有7折咁多呀!!

今朝番工時, 突然間個腦又想買喎, 因為諗起可以整水餃皮包餃子. 到番到公司, 收到那位blogger既回覆, 佢都話: 邊會有咁多discount呀. 

咁到10點頭, 我蛇去永安睇下啦(唔親眼見到佢條屍我係唔會心息的), 一去到見到個牌30%...........對眼即時放大左幾倍. 跟住又同自己講, 可能淨係上面個d先係7折, 下面個d無呢.  then 另一邊既我, 又同自己講, 唔係喎, 平時張紙貼既位寫住幾多折就成個櫃都係咁多折喎, 所以應該真係7折呀. 咁有個職員行過我, 我指到實部機, 問佢呢部機係咪都係7折呀? 佢話係呀. 咁我就即刻打俾亞嗲啦.

我: 亞嗲呀, 死啦, 部機真係有7折呀?

嗲: 買囖.

我: 折左都要4xx蚊喎(因為佢又加左50蚊價, 原來好似係600蚊咋)

嗲: 我送俾你啦.

我: 4xx蚊喎, 真係送俾我呀? 係折左4xx蚊喎.

嗲: 咩唔係原價4xx蚊咩?

我: 咩呀, 我個日咪同你講左係600蚊部機, 7折左係420蚊囖.

嗲: 買啦.

我: 真係你送俾我嗎? 4xx蚊喎!!!

嗲: 咁你係咪想我話俾夠500蚊你呀?

我: 咁好啦, 咁我買架啦.

其實中間skip左一d對話係我講部機可以整水餃皮的, 我係度介紹部機可以整到d咩野俾佢聽. 亞嗲話, 自己包d水餃都好d, 唔駛成日食埋d雪藏野, 又乾淨d (oh, 呢d terms, 口吻, 咁似我平時sell佢既對白既??). 我又係度介紹部機其中一part係可以將個粉團壓扁佢的(原來亞嗲好死蠢, 佢真係以為淨係用黎切麵條咋!!), 我話, 一邊係可以壓扁個麵團, 另一邊係將佢切成麵條呀, 兩個用途的, 所以唔整麵都可以整到水餃皮架.

睇黎, 今個weekend我既節目就係玩個新玩具了!!

********************************************************

尋晚當然拆個玩具出黎睇下摸下啦, 亞嗲叫我即刻開舊麵粉黎洗機玩下喎, 我話, 咪玩啦, 都咁夜, 玩得一陣又要收檔. 

跟住我又係度叫亞嗲黎睇下, 亞嗲話, 我睇黎做咩啫, 我都唔會整既. 我話, 過黎睇下你買左d咩嘛, 睇下有咩用途嘛.  我係度示範俾佢睇, 拿, 舊麵粉呢放入去呢度就係壓扁佢的, 壓完之後就可以整水餃啦啦. 咁如果你要整麵呢, 就要將個壓扁左既麵團放係呢度, 攪攪攪(我隻手係度攪緊那個野), 咁就有麵食架啦. 若你要幼身既麵, 咁就要將個麵團放係呢邊啦, 又攪攪攪就可以食得了. 

跟住我問亞嗲抵唔抵, 佢話, 好抵啦, 4xx蚊真係抵, 好過買埋d死人大陸野, 一陣食死人仲衰.  之前亞嗲睇相時, 佢話部機既綱水好好, 成架benz 咁, 後來又話, 應該似賓利多d.  我話(我拍下佢博頭話): 咁多謝晒喎, 下次再買過俾我啦.

(其實我之前係淘寶睇部機, 連埋運費我估都要150蚊)