韓風三椒炒黑豬

因為舊年去韓國旅行時食左幾次用d醬黎點d豬肉, 覺得幾好味, 所以問左個導遊有無得賣.  佢話係麵豉醬溝辣椒醬黎的, 所以間間舖頭既都唔同, 因為睇下佢自己點溝法.

係個幾2個月前, 我係超市見到, 咁諗起就買左一盒, 買呢盒之前都買埋辣椒醬的, 但係今次見d麵豉醬都辣辣地, 所以我唔敢再落埋辣椒醬. 點知煮完出黎唔辣既.  後來亞嗲仲攞左呢d麵豉醬黎就咁點添, 好味, 我後尾用d醬黎撈飯食添呀.

真係好味架.