守夜個晚同上山所有野都好順利. 但係呢個低能既亞嗲又……
事件一
我地番到去屋企樓下佢想搭我博頭, 我閃開等佢知道我唔likely.
佢: 又做咩呀
我: 你而家走黎做咩呀? 頭先又唔見你理下我地?
我: 成晚都係得我地3個一齊, 好似人地 d孤兒寡婦咁.
佢: 頭先我要幫手做野嘛
我: 淨係得你一個仔呀? 況且你都唔係大仔啦. 要做野都係大仔做得最多啦. 人地個老公係大仔, 我成日都見到佢坐係佢老婆格離, 我地3個就自己係度燒野俾你老豆. 你行過黎只係話 - 唔好燒個d, 燒呢d先啦. (但係佢又唔ling d野黎, 咁唔燒個d 燒咩呀? 又要我走去攞呀? 淨係識得點我做野)
佢: (佢已經無聲出啦)咁佢小氣嘛
我: 哦, 小氣就有人就, 咁我都小氣啦, 我駛q 咁大方呀? 大方就無人理.
個晚其實佢除左要做野之外, 係同d 親戚傾計吹水.
跟住我老公更加無聲出, 呢個話題就因為入lift完左.
到第2日, 佢先識得搬張鄧坐係我地格離(因為我地3個又係度燒野)
有時唔好話我好話我老公, 有好多野係佢一手做成的!! 有時我覺得做人唔駛做咁好架, 呢個世界上有好多衰人反而得到更好既野! 我唔出聲就唔駛理我? 我係handle到, 但係問題係我而家幫緊你屋企做野, 你有顧下我地咩? 係呢次白事, 唔係我有幫佢男家諗左一d野, 安排左, 當晚個場面會好似而家咁好睇左少少咩??!! 我唔係話要回報, 但係絕對唔可以俾人當我無到!
事件二
我: 下次唔該你唔好再問你d 9x年無見既親戚認唔認得我!!!
佢: 又有咩問題呀? (佢覺得我挑剔佢啦)
我: 你自己白痴好啦, 唔好搞到我次次都咁尷尬呀大佬!! 除左結婚個晚, 人地根本就無見過我, 點會認得呀???
佢仲死係度駁我話: 你係台上面你見唔到人啫. 人地係台下面易認得你嘛.
我: 你都無腦既, 我係你老婆又唔係佢老婆, 佢駛咩記住我個樣呀. 分分鐘佢連佢老婆都就黎唔認得啦. 1x 年無見過人地話唔認得, 又好似搞到人地唔啱咁. 話認得就擺到明係講大話!! 即係點答都死啦! 你咁問人搞到人地dead air左3秒, 然後話, 唔認得啦, 只係飲個次見過之嘛. 唉!!!
我: 你已經3次(但係唔同既親戚)都係咁樣搞到我同人地都好尷尬啦!! 一次兩次我都已經唔出聲啦, 你都仲係咁, 你無感覺我有囖!!
佢: (無晒聲出啦)
沒有留言:
張貼留言