吞拿魚碎蛋包 - 象印麵包機 - 附食譜

下面呢個係放左係雪櫃一晚, 第2朝先焗黎食的.

今日第一次學人整造型包, 都係預左有機會失敗, 但係當然都想成功啦. 

睇個食譜又唔係太明.........就唯有........馮感覺(即係斷估啦)去做啦. 發烤得唔夠大(初頭都唔知佢有無發烤到的, 係後來食既時候, 見到入面中間係有空間的, 所以相信佢係有發到烤, 但可能係太少啩, 所以唔係太覺得).

放晒d粉入去部機度, 係度等佢郁, 見佢一路將d粉搓埋一齊, 變粉團, 好開心, 好enjoy, 好relax. 我全個搓粉過程坐係度睇晒(亞嗲話: 你好得閒呀?)

放入焗爐之後, 聞到d沙律味好香. 跟住再過一陣就出得爐啦, 好勁呀, 屋企有新鮮麵包出爐呀!!

好緊張個味道係點, 一咬落去, 嘩, 勁軟熟呀, 好正好正呀(部機). 無諗過可以係咁軟熟架. 佢地都話好味. 反而係我整既吞拿魚碎蛋餡因為唔夠沙律醬所以真係差d (因為屋企枝沙律醬差唔多用晒了, 咁我又唔願落街買嘛.)

材料: (可做6個包)

1. 高根麵粉       200g

2. 鹽             4g

3. 糖             10g

4. 奶粉           6g

5. 牛油           20g

6. 依士           3g

7. 溫水           130g (我自己大約50g普通水, 80g 熱水)

8. 蛋汁           小許

餡料:

1. 鹽水吞拿魚     適量 (切細粒或用手撕碎)

2. 熟蛋           適量 (切細粒)

3. 沙律醬         適量

(將全部材料攪勻便可)

做法:

1. 將上述所有材料依次序放入機內.

2. 禁mode揀dough, 然後禁start. (需時大約1小時45分鐘)

3. 攞麵團出黎禁扁佢放氣, 跟住分割6份整到變左個波波放係度等十分鐘左右等佢鬆弛之後就可以整形.

4.粉團LOOK成圓形, 然後將餡料放入. 務必將收口位壓實, 再LOOK一LOOK佢令到個型靚DD.

5.整完形再等佢45分鐘至1個鐘左右 (其實見佢發大左 2-2.5 倍就可以入已預熱焗爐焗包)

6. 係等發烤既時候, 可以將焗爐較去200度預熱10分鐘.

7. 當麵包發烤至2 – 2.5倍, 便可以先掃上蛋汁, 然後先吱沙律醬上面. 放入焗爐焗12 – 15分鐘. 見淺黃色其實便可出焗了(因為出左黎之後會再深色多少少的).

我的錯處:

1. 我睇錯左, 吱左沙律醬先揸蛋汁, 當我揸既時候就發現有問題了, 因為好難揸, D沙律醬阻住晒.

2. 我D麵包應該發唔夠 2倍, 因為...... 我漏左做上面做法#30動作.

3. d 餡唔夠多, 需要改良.

若唔明我講咩可以去呢度睇下啦, 我都係呢度跟住做的, 呢個blogger好好人的, 你有問題可以問佢架.

http://hk.myblog.yahoo.com/catjeffcat/article?mid=2961