福無重至, 禍不單行
從來都唔係太深刻咁體會以上呢句說話, 但係呢一個禮拜就真係徹徹底底咁體會佢係咩一回事. 每次當日本那邊傳黎一個新既壞消息, 我都會話: 嘩, 駛唔駛咁呀!! 先有9級大地震, 海嘯, 核電廠可能爆炸漏幅射, 再加埋落雪, 尋晚又話富士山有少少異樣, 怕呢個沉睡左300年既火山會爆發!! 唉, 真係駛唔駛邪成咁呢?? 一單接一單, 仲要全部都係大大镬既!!
係事發既第一日由於我公司忙緊, 所以無蛇皇上網睇d新聞, 直到係朋友屋企先可以睇到d片. 當時都同亞嗲既諗法差唔多, 覺得係佢地既國家之前作孽太深既結果. 但係到我越睇多d新聞片段越覺得而家呢班日本人係無辜的, 作孽既係佢地既祖先, 但係受苦既係佢地!
係d新聞入面, 聽到見到佢地好自律, 完全無失控咁搶野食, 依然都係排隊去買糧食. 亦都見到/聽到d日本人讓d中國人打電話番屋企報平安先, 然後先輪到佢地日本人打. 講真, 大家都有屋企人,大家都想快d同屋企人聯絡上報平安!
亦睇到話有日本人救左好多中國留學生, 因為係那日本人帶d中國留學生去高處避難. 帶左佢地去到之後, 那日本人先番去搵自己既妻兒, 但係當海嘯過後, d 留學生再無見到那日本人了(好大可能佢已經同佢既妻兒去左另一個世界)!! 其實當時那日本人可以先去搵妻兒的, 但係佢先救既係那班中國留學生, 講真…… 有幾多人可以做得到呢??!!! 但係呢位好人最後自己都死埋!!
仲有睇到d日本人去排隊買野食, 見到老人家會先讓d老人家買先, 講緊既係災難發生緊喎, 大家都唔知d糧食夠幾多人食喎!! 呢d就係做人既內涵, 真係好值得人敬佩同學習!!
亦見到d 公司免費俾麵d人食, 電話公司既電話亭免費俾人打電話報平安, d水亦係免費俾人飲, 呢d野, 有幾多國家可以做得到呢??!! 佢地不單止唔發死人財, 反而仲會出錢幫手接濟, 中國人真係學幾百年都學唔到!!
呢2日又睇到話 “福島50勇士”佢地留係核電廠幫手搶救, 佢地係預左要死的, 但係佢地都緊守崗位, 無話貪生怕死, 佢地用小我去完成大我! 因為佢地好清楚知道, 佢地一走, 後果係好嚴重, 影響既係好大波及好多人命傷亡,所以佢地揀犧牲自己去救所有人!! 入面既情況仲要好惡劣,唔夠水同糧食, d幅射又令到佢地可能出現唔舒服既情況(有d員工已經送左去醫院), 但係佢地都不怕艱難, 靠意志去捱下去, 有人發sms俾佢既老婆, 話佢唔再番黎啦. 睇到都真係喊出!!
所以我自己覺得, 無論以前日本人做左幾多錯事都好, 係佢地係有錯, 仲要係好錯添, 但係唔係而家呢一代既日本人做架嘛, 大家可唔可以暫時放低仇恨, 為佢地祈福呢??!! 大家都見到呢一代既日本人好好, 好肯幫人, 點解要佢地受d咁既痛苦呢??!! 到人地國家無事, 先再講道歉, 報仇d野啦!! 韓國既幾位慰安婦都出黎為日本人祈福啦, 佢地都覺得而家既日本人係唔應該死的!!
我咁大個人從來都無見過聽過一個國家可以衰到咁的!! 我覺得真係好夠了, 若個天有憐憫之心, 求佢可以收手, 唔好再傷害無辜啦!! 個天應該有本數簿的, 要算帳既就去搵d真係做左衰野既人黎算啦, 幫佢埋單都好應該. 但係d好人絕對可以放過佢的, 何必要趕到咁絕呢??!! 一人做事一人當, 無理由老豆做錯野要由個仔黎受的!
就算今次日本真係過到呢一關, 相信佢往後既日子都好艱難, 本身經濟已經差左咁多年再加埋呢次, 有排佢地部份地區既旅遊業及食品出口等都會無人幫襯佢地, 咁佢地係今次災難執番條命既人都真係有排捱的!! 呢個國家真係可能因為今次而一舖玩完!!
上天若真係有眼既話, 計好條數, 夠數就真係好收手了!!
係呢段時間, 我真係無話好似有d人咁好怕d幅射黎到, 無話好怕會死. 死我真係從來都唔係好驚, 我怕痛多好多. 我成日都覺得每個人都總有一次架啦, 點解要咁驚呢?? 可能驚個d人有大把錢啩, 怕死左就唔可以再嘆世界啩??!! 我覺得好多野都係整定的, 要黎既始終都會黎, 是福不是禍, 是禍朵不過!! 若真係d幅射黎到香港既話, 我地呢d 蟻民又可以點呢?? 咪就係等佢兜口兜面咁吹埋黎囖, 又無錢, 又無得走去第2度架啦!
我尋晚係度諗, 若真係世界末日既話, 我仲有咩想做而未做呢? 我有咩玩具想買而未買黎玩呢?? 亞嗲話我真係天跌落黎當被come喎, 我話, 咁我可以點呢?? 今日香港無事無幹無啦啦d白痴係度因為d 流言而去搶鹽, 咁有一日香港真係有大災難既話, 一係我地就被人推死踏死左(因為一定唔夠佢地班大6咁粗的), 一係就d野食全部被人搶到天價, 咁我地邊度有咁多錢去同人搶呀? 今日無事都可以搶到50蚊一包鹽, 咁真係有事, 1萬蚊一包米都唔出奇啦, d死人大6人咁拿有錢, 點夠佢搶呀!! 所以既來之則安之啦, 我花d腦汁係一d我可以控制到既野度仲好啦, 例如係: 諗下有咩想做而未做囖!!
係呢件事上面, 總算有d野值得我安慰既係我問小冰佢有無想去幫d日本人, 佢話想. 我話我地可以捐錢去幫人啦, 佢話好. 我問佢捐幾多, 佢即刻就答我200蚊. 平時佢唔會點用佢d錢架, 佢係學校買野食都係買2, 3蚊一包既野食咋. 佢比我想像中闊佬. 之後再問埋大兵, 佢咁橋又係up捐200蚊喎, 所以而家我地3個夾埋d錢今日係網上捐左去紅十字會了. 安慰既係, 由細到大我都教佢地有能力既話就要去幫下人地, 今日係我任佢地自由作答既情況下佢地自願去幫人, 即係我之前花既心機都總算無白費! 希望佢地一路到大個都仍然記得!!
沒有留言:
張貼留言