今朝6點幾, 因為個死人亞嗲無熄到個鬧鐘,所以我就監生被個鬧鐘嘈醒左, 一路都訓唔番. 對腳因為尋日做野企得太耐, 所以都仲係好倦, 雖然我訓晚已經用個枕頭long起對腳訓, 但係都無咩幫助. 所以就諗起用薑茶黎浸腳,希望可以好d, 因為今晚仲要去行尖沙咀, 又要睇劉德華演唱會, 所以一定要成12點先番到屋企.
呢盒薑茶係買野既贈品黎的,由於我一飲薑茶就會頭痛的,所以擺到已經過晒期啦(原本諗住俾人,但係一路都唔記得左俾),而家就用佢黎浸腳啦, 唔好浪費. 今朝同佢影相時先發現原來佢都有寫明可以用黎沐足的.
今日開始又凍番啦, 所以可以連續咁用佢黎浸下腳幾日,我諗可以幫到個人會暖d的, 因為我係d手腳都冰凍既人(雖然呢一年好似好左d), 諗住都被亞女浸下啦, 反正佢又係d手好鬼死凍的.
**************************************************
亞女一路浸一路話好正. 我浸完之後, 右腳既腳面覺得"拿拿地"的, 唔知點解呢.
沒有留言:
張貼留言