今日買呢部機有額外9折呀. 仲有下面呢個攪肉配件送埋(原價530蚊), 仲有一本食譜送.
個攪肉配件係連埋可以整香腸既野架(見上面黑色那一個), 好似好正呀.
廚師示範點樣壓麵團呀.
壓完之後就係將麵團切成麵條啦, 有片睇.
今日去開吉豬島, 又心思思想去睇呢部機. 所以就駛走亞嗲自己去睇, 費事睇唔夠一陣又話叫走.
我企係度睇左成粒鐘, 今次終於睇到個廚師(其實係咪應該咁叫呢?)由麵粉開始整成麵條, 仲試食埋tim, 都幾好食喎. 佢個麵團只係用左澳州中筋麵粉100g 同43g定47g既水, 只係得呢2樣野整個麵團咋, 但係出黎又真係ok喎, 當然佢係用左d 甜豉油同少少 "立"椒 油黎做個汁, 佢今次係整冷麵既食法. 出黎真係都ok好食的喎.
全程睇住佢整, 真係唔駛點整架, 係用部機整, 一d都唔辛苦.
個廚師好好人的, 唔會話你齋睇唔買就黑面, 佢好nice架, 整完麵又教我整麵包tim, 由於我趕住買餸, 所以睇唔晒就走左啦. 我睇到部機打出黎既麵團真係可以有好等既膜架, 好勁. 我上次搓到斷手咁滯都整唔到佢1/10既效果.
若有人想買呢部機而家可以去太古豐澤, 呢位先生而家係度做緊示範, 幫襯下佢啦, 佢咁好人.
另佢有facebook可以有片睇喎, 我寫埋呢篇野就去睇.
facebook: sammystation@hotmail.com
*****************************************************
因為一個mummy既分析, 所以我都係決定唔買呢部機啦. 因為我而家屋企既工具只係做唔到麵包同麵條, 其他既野我全部都做到, 咁無胃又買多部大牛龜番黎啦. 等遲d 舊年買既玩具打柴, 我先再睇下咩機啱我多d.
哇, 呢部外形靚我重以為只係純攪拌器. 原來碎肉以至麵團都做埋, 重有攪果汁..真係萬能呀, 不過價錢太貴了. 餐廳都唔洗咁專業啦, 哈合~!
回覆刪除[版主回覆06/28/2011 16:56:00]係可以做到好多好多野, 不過............續件parts 計錢之嘛. 每舊parts 幾舊水. 佢呢個壓麵機, 我無記錯好似係800蚊. 我5月買左部手動既係450蚊. 當然佢呢個電既梗係正好多啦, 但係.........一分錢一分貨啦, 正d就要貴d 囖.
哇, 5千幾蚊都唔係包全套架? 真係貴到飛天啊. 對像可能係中產以上人士買的:P
回覆刪除[版主回覆06/29/2011 18:39:00]全套既話真係唔知要幾多錢先可以落到樓呀!! 因為佢都有幾多配件下的, 仲有可以整雪糕的, 仲有其他野架, 而家格左太耐我唔記得lu.
所以一件配件咁貴, 散買會平過佢, 當然若你真係成日整大量粉既話, 有佢就真係會好好多啦. (好似象印麵包機咁, 每次只整到3xx g 粉, 屋企人多或食得多既就真係唔夠啦)